ଜଣାଅଜଣା
ଚୁଟି ଝଡ଼ୁଛି କି? ଜାଣନ୍ତୁ କାରଣ ଓ ଯତ୍ନ ନେବାର ଉପାୟ
ଭୁବନେଶ୍ୱର: ଚୁଟି ଝଡ଼ିବା ଏକ ସାଧାରଣ ସମସ୍ୟା। ଦୈନନ୍ଦିନ ଭାବେ କିଛି ଚୁଟି ଝଡ଼ିବା ସ୍ୱାଭାବିକ ହୋଇପାରେ। କିନ୍ତୁ ହଠାତ୍ ଅଧିକ ଚୁଟି ଝଡ଼ିବା, ଚୁଟି ପତଳା ହେବା କିମ୍ବା ମୁଣ୍ଡରେ ଖାଲି ସ୍ଥାନ ଦେଖାଦେଲେ ଏହା ପଛରେ ବିଭିନ୍ନ କାରଣ ଥାଇପାରେ। ଚୁଟି ଝଡ଼ିବାର ସାଧାରଣ କାରଣ ଚୁଟିର ଯତ୍ନ ନେବାର ସଠିକ୍ ଉପାୟ ଚୁଟିର ଯତ୍ନ କିପରି ନେବେ? ସନ୍ତୁଳିତ ଖାଦ୍ୟ ଖାଆନ୍ତୁ, ପର୍ଯ୍ୟାପ୍ତ ଘୁମ ନିଅନ୍ତୁ ଏବଂ ଚୁଟିକୁ ଅତ୍ୟଧିକ ଟାଣି ବାନ୍ଧନ୍ତୁ […]
ଦାନ୍ତକୁ ରଖନ୍ତୁ ସୁରକ୍ଷିତ, ଜାଣନ୍ତୁ ସହଜ ଉପାୟ।
ଭୁବନେଶ୍ୱର: ଦାନ୍ତର ଯତ୍ନ ନେବା କେବଳ ସୁନ୍ଦର ହସ ପାଇଁ ନୁହେଁ, ମୁଖର ସାମଗ୍ରିକ ସ୍ୱାସ୍ଥ୍ୟ ପାଇଁ ମଧ୍ୟ ଜରୁରୀ। ଦାନ୍ତରେ କ୍ୟାଭିଟି, ମାଢ଼ି ସମସ୍ୟା ଓ ପ୍ଲାକ୍ ଜମିବାକୁ ରୋକିବା ପାଇଁ ଦୈନନ୍ଦିନ ମୁଖ ସ୍ୱଚ୍ଛତା ଅଭ୍ୟାସ ଗୁରୁତ୍ୱପୂର୍ଣ୍ଣ। ଦିନକୁ ୨ ଥର ବ୍ରଶ୍ କରନ୍ତୁ ଫ୍ଲୋରାଇଡ୍ଯୁକ୍ତ ଟୁଥପେଷ୍ଟରେ ଦିନକୁ ୨ ଥର, ପ୍ରତିଥର ପ୍ରାୟ ୨ ମିନିଟ୍ ଦାନ୍ତ ଘଷିବାକୁ ବିଶେଷଜ୍ଞମାନେ ପରାମର୍ଶ ଦିଅନ୍ତି। ନରମ ବ୍ରିସଲ୍ ଥିବା ଟୁଥବ୍ରଶ୍ ବ୍ୟବହାର କରିବା ଭଲ। […]
ଧୂମପାନ ଓ ଉଚ୍ଚ ରକ୍ତଚାପ ଭଳି କାରଣ ବଢ଼ାଇପାରେ ବିପଦ
ନୂଆଦିଲ୍ଲୀ: ଡିମେନ୍ସିଆକୁ ନେଇ ଏକ ଗୁରୁତ୍ୱପୂର୍ଣ୍ଣ ଅଧ୍ୟୟନ ସାମ୍ନାକୁ ଆସିଛି। ଗବେଷଣା ଅନୁଯାୟୀ, ଡିମେନ୍ସିଆର ପ୍ରାୟ ଅଧା ମାମଲା ସହ ଏପରି କିଛି ଝୁମ୍ପ କାରକ ଜଡ଼ିତ ଥାଇପାରେ, ଯାହାକୁ ଜୀବନଶୈଳୀ ଓ ସ୍ୱାସ୍ଥ୍ୟ ପରିଚାଳନା ମାଧ୍ୟମରେ ବଦଳାଇବା ସମ୍ଭବ। ଏଥିରେ ଧୂମପାନ ଓ ଉଚ୍ଚ ରକ୍ତଚାପ ଭଳି କାରକ ସାମିଲ ରହିଛି। ସ୍ୱିଡେନ୍ର ଲୁଣ୍ଡ ୟୁନିଭର୍ସିଟିର ଗବେଷକମାନେ ଡିମେନ୍ସିଆର ଦୁଇଟି ପ୍ରମୁଖ କାରଣ—ଆଲଜାଇମର୍ସ ରୋଗ ଓ ଭାସ୍କୁଲାର୍ ଡିମେନ୍ସିଆ—ସହ ବିଭିନ୍ନ ଝୁମ୍ପ କାରକର ସମ୍ପର୍କ ଅନୁଧ୍ୟାନ […]
ଓଡ଼ିଶାରେ କ୍ୟାନ୍ସର ଚିକିତ୍ସାକୁ ବଡ଼ ବଳ: ଯୋଡ଼ିହେଲା ଆଉ ୯୧ ପ୍ୟାକେଜ୍
ଭୁବନେଶ୍ୱର, ୬/୮: ଓଡ଼ିଶାରେ କ୍ୟାନ୍ସର ରୋଗୀଙ୍କ ପାଇଁ ଚିକିତ୍ସା ସୁବିଧା ଆହୁରି ବଢ଼ିଛି। ସମନ୍ୱିତ ଆୟୁଷ୍ମାନ ଭାରତ-ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (AB-PMJAY) ଓ ଗୋପବନ୍ଧୁ ଜନ ଆରୋଗ୍ୟ ଯୋଜନା (GJAY) ଅଧୀନରେ କ୍ୟାନ୍ସର ଚିକିତ୍ସା ପାଇଁ ଆଉ ୯୧ଟି ନୂଆ ପ୍ୟାକେଜ୍ ସାମିଲ କରାଯାଇଛି। ମୁଖ୍ୟମନ୍ତ୍ରୀ କ୍ୟାନ୍ସର କେୟାର ଅଭିଯାନ ଅଧୀନରେ ଏହି ନୂଆ ପ୍ୟାକେଜ୍ଗୁଡ଼ିକ ଯୋଡ଼ାଯାଇଛି। ଏହାଦ୍ୱାରା ରାଜ୍ୟରେ ଏହି ଯୋଜନା ଅଧୀନରେ କ୍ୟାନ୍ସର ଚିକିତ୍ସା ପ୍ୟାକେଜ୍ ସଂଖ୍ୟା ୪୫୪ରୁ ବଢ଼ି ୫୪୫ରେ ପହଞ୍ଚିଛି। […]
୪୦-୫୦ ବର୍ଷ ବୟସରେ ଅପଣାନ୍ତୁ ଏହି ଅଭ୍ୟାସ, ବୟସ ବଢ଼ିଲେ ବି ରହିବେ ଫିଟ୍ ଓ ସୁସ୍ଥ
ନୂଆଦିଲ୍ଲୀ: ୪୦ ଓ ୫୦ ବର୍ଷ ବୟସରେ ଅନେକେ କ୍ୟାରିୟର ଓ ପରିବାର ଜୀବନରେ ସ୍ଥିରତା ଅନୁଭବ କରନ୍ତି। କିନ୍ତୁ ଏହି ସମୟରୁ ଶରୀରରେ ବୟସର ପ୍ରଭାବ ମଧ୍ୟ ଧୀରେ ଧୀରେ ଦେଖାଦେବା ଆରମ୍ଭ କରେ। ଶକ୍ତି କମିଯିବା, ବ୍ୟାୟାମ ପରେ ଗଣ୍ଠିରେ ଯନ୍ତ୍ରଣା ଓ ଓଜନ ବଢ଼ିବା ଭଳି ସମସ୍ୟା ଦେଖାଦେଇପାରେ। ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଏହି ବୟସରେ ଅପଣାଯାଇଥିବା ଭଲ ଅଭ୍ୟାସ ୬୦, ୭୦ ବର୍ଷ କିମ୍ବା ତା’ଠାରୁ ଅଧିକ ବୟସରେ ମଧ୍ୟ […]
କିଡ୍ନି ସୁସ୍ଥ ରଖିବାକୁ ଏହି ଅଭ୍ୟାସ ଉପରେ ଦିଅନ୍ତୁ ଗୁରୁତ୍ୱ
ଭୁବନେଶ୍ୱର: ଶରୀରରୁ ବର୍ଜ୍ୟପଦାର୍ଥ ବାହାର କରିବା ସହ ରକ୍ତରେ ତରଳ ଓ ଖଣିଜ ପଦାର୍ଥର ସନ୍ତୁଳନ ବଜାୟ ରଖିବାରେ କିଡ୍ନିର ଗୁରୁତ୍ୱପୂର୍ଣ୍ଣ ଭୂମିକା ରହିଛି। କିଡ୍ନିକୁ ସୁସ୍ଥ ରଖିବା ପାଇଁ ଦୈନନ୍ଦିନ ଜୀବନଶୈଳୀ ଓ ଖାଦ୍ୟପାନୀୟ ଉପରେ ଧ୍ୟାନ ଦେବା ଆବଶ୍ୟକ। ପର୍ଯ୍ୟାପ୍ତ ପାଣି ପିଇବା, ଲୁଣ ଓ ଅତ୍ୟଧିକ ପ୍ରସ୍ତୁତ ଖାଦ୍ୟ କମାଇବା, ନିୟମିତ ବ୍ୟାୟାମ ଏବଂ ରକ୍ତଚାପ ଓ ରକ୍ତଶର୍କରା ନିୟନ୍ତ୍ରଣରେ ରଖିବା ଏଥିରେ ସହାୟକ ହୋଇପାରେ। ପର୍ଯ୍ୟାପ୍ତ ପାଣି ପିଅନ୍ତୁ ଦିନସାରା ଶରୀରକୁ […]
ଆମେରିକାରେ ଭାରତକୁ ସମ୍ମାନ: ଅଗଷ୍ଟ ୧୫କୁ ‘ଭାରତ ଦିବସ’ ଘୋଷଣା କଲେ ମାସାଚୁସେଟ୍ସ ରାଜ୍ୟପାଳ
ୱାଶିଂଟନ: ଭାରତର ସ୍ୱାଧୀନତା ଦିବସକୁ ସମ୍ମାନ ଜଣାଇ ଆମେରିକାର ମାସାଚୁସେଟ୍ସ ରାଜ୍ୟରେ ଅଗଷ୍ଟ ୧୫କୁ ‘ଭାରତ ଦିବସ’ ଭାବେ ଘୋଷଣା କରାଯାଇଛି। ରାଜ୍ୟପାଳ ମୌରା ହେଲି ଏନେଇ ଏକ ଘୋଷଣାପତ୍ର ଜାରି କରିଛନ୍ତି। ମାସାଚୁସେଟ୍ସର ବିକାଶରେ ଭାରତୀୟ-ଆମେରିକୀୟ ସମୁଦାୟର ଅବଦାନକୁ ସ୍ୱୀକୃତି ଦେବା ସହ ସ୍ୱାଧୀନତା ଦିବସ ପାଳନରେ ରାଜ୍ୟବାସୀଙ୍କୁ ସାମିଲ ହେବାକୁ ସେ ଆହ୍ୱାନ ଦେଇଛନ୍ତି। ଅଗଷ୍ଟ ୧ ତାରିଖରେ ଜାରି ଘୋଷଣାପତ୍ରରେ ଭାରତୀୟ-ଆମେରିକୀୟ ସମୁଦାୟର ସାମାଜିକ ସେବା, ସାଂସ୍କୃତିକ ଆଦାନପ୍ରଦାନ ଓ ନାଗରିକ ସମ୍ପର୍କ […]
ନିଦ ଆସୁନାହିଁ କି? ଆରାମ ପାଇଁ ଜାଣନ୍ତୁ କିଛି ସହଜ ଉପାୟ
ଶରୀର ଓ ମନକୁ ସୁସ୍ଥ ରଖିବାରେ ପର୍ଯ୍ୟାପ୍ତ ନିଦ୍ରାର ଗୁରୁତ୍ୱ ରହିଛି। ନିଦ୍ରା ସମୟରେ ଶରୀର ନିଜକୁ ପୁନର୍ଗଠିତ କରିବା ସହ ଦିନସାରା ହୋଇଥିବା ଶାରୀରିକ ଓ ମାନସିକ କ୍ଲାନ୍ତିରୁ ଆରାମ ପାଇଥାଏ। କିନ୍ତୁ ଅନେକଙ୍କ କ୍ଷେତ୍ରରେ ରାତିରେ ବିଛଣାକୁ ଯିବା ପରେ ମଧ୍ୟ ସହଜରେ ନିଦ ଆସିନଥାଏ। ଏପରି ସ୍ଥିତିରେ କେତେକ ଲୋକ ଆକ୍ୟୁପ୍ରେସର୍ ପଦ୍ଧତିକୁ ଏକ ସହାୟକ ବିକଳ୍ପ ଭାବେ ଗ୍ରହଣ କରନ୍ତି। କେତେକ ଅଧ୍ୟୟନ ଓ ରିପୋର୍ଟ ଅନୁସାରେ, ଶରୀରର କିଛି ନିର୍ଦ୍ଦିଷ୍ଟ […]
କମ ବୟସରୁ କୋଟି ପତି ଚ୍ୟାଲେଞ୍ଜ
କିଛି ବର୍ଷ ପୂର୍ବେ ସମୟ ଏମିତି ଥିଲା , ଯେତେବେଳେ ଭାରତର ସବୁଠୁ ଧନୀ ତାଲିକାରେ କେବଳ ବଡ଼ ବଡ଼ ବ୍ୟବସାୟୀ ଘର ପରିବାରର ନାଁ ରହୁ ଥିଲା। କିନ୍ତୁ ଏବେ ସେହି ସମୟ ବଦଳି ଯାଇଛି। ନୂଆ ପିଢ଼ିର ଯୁବ ଷ୍ଟାର୍ଟଅପ୍ ଫାଉଣ୍ଡରମାନେ ଖୁବ୍ କମ୍ ବୟସରେ ହଜାର ହଜାର କୋଟି ଟଙ୍କାର କମ୍ପାନୀ ଛିଡ଼ା କରି ଦେଇଛନ୍ତି। ଏହି ବଦଳୁ ଥିବା ଭାରତର ସବୁଠୁ ବଡ଼ ଉଦାହରଣ ଏବେ ସାଜିଛନ୍ତି ୨୨ ବର୍ଷୀୟ କୈବଲ୍ୟ ବୋହରା। ଫାଷ୍ଟ ଡେଲିଭରୀ ଆପ୍ ‘Zepto’ର କୋ-ଫାଉଣ୍ଡର କୈବଲ୍ୟ ଆଜି ଭାରତର ସବୁଠୁ ଯୁବ ଟେକ୍ କୋଟିପତି ଭାବେ ପରିଚିତ। ବୟସ ମାତ୍ର ୨୨ ବର୍ଷ। ଆଜିକାଲିର ଯୁବପିଢ଼ି ଯେଉଁ ବୟସରେ ଚାକିରି ଖୋଜିବାରେ ବ୍ୟସ୍ତ ଥାଆନ୍ତି, ସେହି ବୟସରେ କୈବଲ୍ୟ ବୋହରା ପ୍ରାୟ ୪,୪୮୦ କୋଟି ଟଙ୍କାର ନେଟୱର୍ଥ ସହ ଦେଶର ସବୁଠୁ ଯୁବ କୋଟିପତି ପାଲଟିଛନ୍ତି। କୈବଲ୍ୟ ଓ ତାଙ୍କ ପିଲାଦିନର ସାଙ୍ଗ ଆଦିତ ପଲିଚା ଆମେରିକାର ପ୍ରସିଦ୍ଧ ଷ୍ଟାନଫୋର୍ଡ ୟୁନିଭର୍ସିଟିରେ ପଢୁ ଥିଲେ। କିନ୍ତୁ ନିଜର ବ୍ୟବସାୟିକ ସ୍ୱପ୍ନକୁ ସାକାର କରିବା ପାଇଁ ଦୁହେଁ କଲେଜ ପଢ଼ା ଅଧାରୁ ଛାଡ଼ି ଦେଇ ଥିଲେ। କୋଭିଡ୍ ମହାମାରୀ ସମୟରେ ଲୋକଙ୍କ ନିକଟରେ ସହଜରେ ରାସନ୍ ପହଞ୍ଚାଇବା ପାଇଁ ପ୍ରଥମେ WhatsApp ରୁ ଆରମ୍ଭ ହୋଇ ଥିବା ଏହି ଆଇଡିଆ, ୨୦୨୧ରେ ‘Zepto’ ଆପ୍ର ରୂପ ନେଇ ଥିଲା। Zeptoର ସବୁଠୁ ବଡ଼ ସଫଳତା ଥିଲା ‘୧୦ ମିନିଟ୍ ଭିତରେ ଗ୍ରୋସରୀ ଡେଲିଭରୀ’ର ପ୍ରତିଶ୍ରୁତି। ଆରମ୍ଭରୁ ଅନେକ ଲୋକ ଏହାକୁ ଅସମ୍ଭବ ବୋଲି କହି ଥିଲେ ବି ସହର ଗୁଡ଼ିକରେ ଛୋଟ ଛୋଟ ଡାର୍କ ଷ୍ଟୋର୍ ଏବଂ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ଆଧାରିତ ଟେକ୍ନୋଲୋଜି ବ୍ୟବହାର କରି କମ୍ପାନୀ ଏହାକୁ ସମ୍ଭବ କରି ଦେଖାଇଲା। ଆଜି ବ୍ଲିଙ୍କିଟ୍ (Blinkit), ସ୍ୱିଗି ଇନଷ୍ଟାମାର୍ଟ ଏବଂ ବିଗ୍ ବାସ୍କେଟ୍ ଭଳି ବଡ଼ ବଡ଼ କମ୍ପାନୀଗୁଡ଼ିକୁ କଡ଼ା ଟକ୍କର ଦେଉଛି Zepto। କୈବଲ୍ୟ ନିଜେ ଟେକ୍ନୋଲୋଜି ବିଭାଗ ସମ୍ଭାଳୁ ଥିବା ବେଳେ କମ୍ପାନୀର ଚିଫ୍ ଟେକ୍ନୋଲୋଜି ଅଫିସର ଭାବେ କାର୍ଯ୍ୟ କରୁଛନ୍ତି। ଆଜିର ଡିଜିଟାଲ୍ ଇଣ୍ଡିଆ, ଶସ୍ତା ଇଣ୍ଟରନେଟ୍, UPI ଓ ଷ୍ଟାର୍ଟଅପ୍ ଆଦିରେ ଇନଭେଷ୍ଟମେଣ୍ଟ ବୃଦ୍ଧି ଯୋଗୁଁ ଭାରତରେ କୋଟିପତି ହେବାର ସଂଜ୍ଞା ବଦଳି ଯାଇଛି। ବଡ଼ ବଡ଼ ବ୍ୟବସାୟୀ ପରିବାର ଓ ଫ୍ୟାକ୍ଟ୍ରି ନଥାଇ ବି କେବଳ ଗୋଟିଏ ସଠିକ୍ ଟେକ୍ ଆଇଡିଆ ଏବଂ କଠିନ ପରିଶ୍ରମ ବଳରେ ଯୁବପିଢ଼ି ନିଜ ସ୍ୱପ୍ନ ପୂରଣ କରି ପାରୁଛନ୍ତି। କୈବଲ୍ୟଙ୍କ ଏହି ସଫଳତା ଆଜି ଦେଶର ଲକ୍ଷ ଲକ୍ଷ ଯୁବ ଉଦ୍ୟୋଗୀଙ୍କ ପାଇଁ ପ୍ରେରଣାର ଉତ୍ସ ପାଲଟିଛି। AI, ଫିନଟେକ୍ ଓ କ୍ୱିକ୍ କମର୍ସ କ୍ଷେତ୍ରରେ ଭାରତୀୟ ଯୁବପିଢ଼ିଙ୍କ ଏହିପରି ପ୍ରବେଶ ଆଜି ବିଶ୍ୱସ୍ତରୀୟ ଇନଭେଷ୍ଟରମାନଙ୍କ ଦୃଷ୍ଟି ଆକର୍ଷଣ କରୁଛି। କମ୍ ବୟସରୁ ବିଶ୍ୱସ୍ତରୀୟ ଚ୍ୟାଲେଞ୍ଜକୁ ଗ୍ରହଣ କରି ସଫଳ ହେବାର ଏହି କାହାଣୀ ପ୍ରମାଣିତ କରୁଛି ଯେ, ନୂଆ ଭାରତର ନୂଆ ପିଢ଼ି ଆଉ କାହା ଠାରୁ ପଛରେ ନାହାଁନ୍ତି।
ଚିତଉ ପିଠାର ନିଆରା ପରମ୍ପରା ଚିତାଲାଗି ଅମାବାସ୍ୟା
ଓଡ଼ିଶାରେ ପାଳିତ ହେଉଥିବା ଅନେକ ଗଣପର୍ବ ମଧ୍ୟରେ ଗୋଟିଏ ହେଲା ଚିତାଲାଗି ଅମାବାସ୍ୟା ବା ଚିତଉ ଅମାବାସ୍ୟା। ଏହା ଶ୍ରାବଣ ମାସର ଅମାବାସ୍ୟା ତିଥିରେ ଏହା ପାଳିତ ହୋଇଥାଏ। ଏହି ଦିନ ଶ୍ରୀମନ୍ଦିରରେ ଜଗନ୍ନାଥ, ବଳଭଦ୍ର, ଓ ସୁଭଦ୍ରାଙ୍କର ଚିତାଲାଗି ହୋଇଥାଏ । ତିନିଠାକୁରଙ୍କ ଲଲାଟରେ ଦଇତାପତିମାନେ ଚିତା ଲାଗି କରୁଥିବାରୁ ଏହାର ନାମ ଚିତାଲାଗି ଅମାବାସ୍ୟା ହୋଇଛି। ଏହି ଦିନ ଗେଣ୍ଡା ଆଦି ଜଳଚର ପ୍ରାଣୀଙ୍କ ଉଦ୍ଦେଶ୍ୟରେ ଚିତଉ ପିଠା ତିଆରି କରି ଅର୍ପଣ କରାଯାଇଥାଏ। ଏହା ଓଡିଶାର ପଶୁଯନ୍ତୁ ପ୍ରତି ଭଲ ପାଇବାର ଉଦାହରଣ। ଏହି ପ୍ରଥା ଶବର ପରମ୍ପରାରୁ ଆସିଛି ବୋଲି କୁହାଯାଏ। ତେବେ ବାଲେଶ୍ୱର, ମୟୁରଭଞ୍ଜ ଓ କେଉଁଝର ଆଦି ଅଞ୍ଚଳରେ ଏହି ପର୍ବକୁ “ଗେଣ୍ଡାକଟା ଅମାବାସ୍ୟା” କୁହାଯାଏ । ଏହା ଓଡ଼ିଶାର ବିଭିନ୍ନ ଅଞ୍ଚଳରେ ଆଦିବାସୀମାନଙ୍କ ମଧ୍ୟରେ ଜନ୍ତୁଆଦିଙ୍କୁ ସନ୍ତୁଷ୍ଟ କରିବା ଉଦ୍ଦେଶ୍ୟରେ ପାଳିତ ପର୍ବମାନଙ୍କ ମଧ୍ୟରେ ଗୋଟିଏ । ସାଧାରଣତଃ ଚାଷୀମାନେ ବର୍ଷା ଋତୁ ସମୟରେ ଧାନ ଫସଲ ପାଇଁ ବିଲକୁ ଯାଆନ୍ତି। ବିଲରେ ଗେଣ୍ଡାମାନଙ୍କ ଯୋଗୁଁ ଗୋଡ଼ କଟି କ୍ଷତି ହୋଇଥାଏ। ଏଣୁ ଏହି ଆଶଙ୍କାକୁ ଏଡ଼େଇବା ପାଇଁ ଚିତଉ ପିଠାକୁ ସାରୁ ପତ୍ରରେ ରଖି ଗେଣ୍ଡାମାନଙ୍କ ଉଦ୍ଦେଶ୍ୟରେ ବିଭିନ୍ନ ଜଳାଶୟକୁ ପକାଯାଏ। ପାଳନ ବିଧି: ଜଗନ୍ନାଥ ମନ୍ଦିର – ସ୍ନାନ ପୂର୍ଣ୍ଣିମା ଦିନ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କ ଲଲାଟରୁ ଯେଉଁ ଚିତା କଢାଯାଇଥାଏ ତାହା ପୁଣି ଶ୍ରାବଣ ଅମାବାସ୍ୟା ତିଥିରେ ଲାଗି କରାଯାଏ। ଶ୍ରୀଜଗନ୍ନାଥଙ୍କ ମସ୍ତକରେ ହୀରାଖଚିତ ଧଳା ଚିତା, ଶ୍ରୀ ବଳଭଦ୍ରଙ୍କ ମସ୍ତକରେ ନୀଳାଖଚିତ ନିଳ ଚିତା ଏବଂ ଦେବୀ ସୁଭଦ୍ରାଙ୍କ ମସ୍ତକରେ ମାଣିକ୍ୟ ଖଚିତ ନାଲି ଚିତା ଲାଗି କରାଯାଏ। ଉତ୍ତର ଓଡ଼ିଶାରେ ଘରେ – ଏହି ଓଷାରେ ଗୃହିଣୀମାନେ ଘରେ ଚିତଉ ପିଠା ପ୍ରସ୍ତୁତ କରି ଏହାକୁ ଧାନ କ୍ଷେତରେ, ବାଡ଼ିବଗିଚାରେ, ଫସଲ କିଆରିରେ ମାଟିକୁ ଜନନୀ ଜ୍ଞାନ କରି ତାଙ୍କ ପାଇଁ ସମର୍ପଣ କରି ପୋତନ୍ତି। ତା’ସହିତ ଠାକୁର ବା ଇଷ୍ଟଦେବତାଙ୍କୁ ମଧ୍ୟ ଭୋଗ କରନ୍ତି। ଏହାସହ ବିଲରେ ପ୍ରଚୁର ଗେଣ୍ଡା ଥିବାରୁ ଏମାନେ ଚାରା ସବୁକୁ କାଟି ପକାନ୍ତି। ପୁଣି ବଛା ଖେଳା ବେଳେ ଚାଷୀର ଗୋଡ଼, ଆଣ୍ଠୁ ବା ହାତକୁ କାଟି ଦିଅନ୍ତି। ଏହି ଦୁଇଟିରୁ ରକ୍ଷା ପାଇବା ପାଇଁ ଗେଣ୍ଡାଙ୍କ ଉଦ୍ଦେଶ୍ୟରେ ଚିତଉପିଠା କରି ପୋଖରୀ ବା ଚାଷଜମିକୁ ପକାଯାଏ। ଗେଣ୍ଡାମାନେ ପିଠା ପ୍ରତି ଆକୃଷ୍ଟ ହୋଇ ଚାରାଗଛ ଓ ମଣିଷଠାରୁ ଦୂରେଇ ଯାଆନ୍ତି। ପରମ୍ପରା ଅନୁଯାୟୀ ଏହିଦିନରେ ପୋଖରୀକୁ ଗେଣ୍ଡା ଉଦ୍ଦେଶ୍ୟରେ ଝିଅପିଲାମାନେ ପିଠା ନିକ୍ଷେପ କରି ବାପା, ଭାଇ ଓ ବନ୍ଧୁବାନ୍ଧବମାନଙ୍କ ଗୋଡ଼ ନ କାଟିବାକୁ ଗେଣ୍ଡାମାନଙ୍କ ଉଦ୍ଦେଶ୍ୟରେ କୁହନ୍ତି: “ଗେଣ୍ଡେଇଶୁଣିଲୋ ଗେଣ୍ଡେଇଶୁଣିମୋ ଗୋଡ଼ କାଟିବୁ ନାହିଁ, ମୋ ବାପା ଗୋଡ଼ କାଟିବୁ ନାହିଁ,ମୋ ବୋଉ ଗୋଡ଼ କାଟିବୁ ନାହିଁ, ଭାଇ ଗୋଡ଼ କାଟିବୁ ନାହିଁ ।ଆମ ଫସଲ କାଟିବୁ ନାହିଁ ।” ଏଥିପାଇଁ ଏହି ଓଷାରେ ଗେଣ୍ଡାଙ୍କୁ ଗେଣ୍ଡେଇଶୁଣୀ ନାମରେ ପୂଜା ମଧ୍ୟ କରାଯାଇଥାଏ। ଏହି ବିଧି ପାଇଁ ଓଡ଼ିଶାର ବାଲେଶ୍ୱର, ମୟୁରଭଞ୍ଜ, କେନ୍ଦୁଝର ଜିଲ୍ଲା ଆଦିରେ ଏହା ଗେଣ୍ଡାକଟା ଅମାବାସ୍ୟା ନାମରେ ଜଣାଶୁଣା।