କ୍ୟାଣ୍ଡେରେ ହୁରୁନ୍ ଇଣ୍ଡିଆ ୱିମେନ୍ ଲିଡର୍ସ ଲିଷ୍ଟ ୨୦୨୬ ପ୍ରକାଶିତ: ୧୧୭ ଜଣ ପ୍ରଭାବଶାଳୀ ମହିଳା ସମ୍ମାନିତ, ୯୮ ଜଣ ‘ସେଲ୍ଫ ମେଡ୍’
ମୁମ୍ବାଇ (ଡିଜିଟାଲ ନ୍ୟୁଜ୍ ଡେସ୍କ): ଦେଶର ପ୍ରଭାବଶାଳୀ ଓ ସଫଳ ମହିଳାମାନଙ୍କୁ ସମ୍ମାନିତ କରିବା ପାଇଁ ‘କ୍ୟାଣ୍ଡେରେ ହୁରୁନ୍ ଇଣ୍ଡିଆ ୱିମେନ୍ ଲିଡର୍ସ ଲିଷ୍ଟ ୨୦୨୬’ ଗୁରୁବାର ଜାରି କରାଯାଇଛି। ଏହି ତାଲିକାରେ ୮୬ ବର୍ଷୀୟା ବରିଷ୍ଠ ମହିଳାଙ୍କଠାରୁ ଆରମ୍ଭ କରି ୧୯ ବର୍ଷର ଯୁବତୀଙ୍କ ପର୍ଯ୍ୟନ୍ତ ସ୍ଥାନ ପାଇଛନ୍ତି। ବିଜନେସ୍, ସ୍ପୋର୍ଟସ୍, ମିଡିଆ, ସାହିତ୍ୟ ଓ ସମାଜସେବା ଭଳି ୧୨ଟି ଭିନ୍ନ ଭିନ୍ନ କ୍ଷେତ୍ରରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ମୋଟ ୧୧୭ ଜଣ ମହିଳାଙ୍କୁ ଚଳିତ ବର୍ଷ ଏହି ରିପୋର୍ଟରେ ସ୍ଥାନ ମିଳିଛି।📌 ରିପୋର୍ଟର ମୁଖ୍ୟ ବିନ୍ଦୁଗୁଡ଼ିକ:ସେଲ୍ଫ ମେଡ୍ ମହିଳାଙ୍କ ଦବ୍ଦବା: ଏହି ତାଲିକାର ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏଥିରେ ଥିବା ୧୧୭ ଜଣଙ୍କ ମଧ୍ୟରୁ ୯୮ ଜଣ ମହିଳା ହେଉଛନ୍ତି ‘ସେଲ୍ଫ ମେଡ୍’, ଯେଉଁମାନେ ନିଜ ଦମ୍ରେ ଏହି ସଫଳତା ହାସଲ କରିଛନ୍ତି।୨୧% ବୃଦ୍ଧି: ଗତବର୍ଷ ତୁଳନାରେ ଚଳିତବର୍ଷ ଏହି ସମ୍ମାନଜନକ ତାଲିକାରେ ସ୍ଥାନ ପାଇଥିବା ମହିଳାଙ୍କ ସଂଖ୍ୟା ୨୧ ପ୍ରତିଶତ ବୃଦ୍ଧି ପାଇଛି।ସର୍ବନିମ୍ନ ଓ ସର୍ବାଧିକ ବୟସ: ତାଲିକାରେ ୧୯ ବର୍ଷର ଯୁବ ନେତ୍ରୀଙ୍କଠାରୁ ଆରମ୍ଭ କରି ୮୬ ବର୍ଷର ବରିଷ୍ଠ ମହିଳା ମଧ୍ୟ ସାମିଲ ଅଛନ୍ତି।କ୍ୟାଣ୍ଡେରେ ହୁରୁନ୍ର ଏହି ନୂତନ ତାଲିକା ପ୍ରମାଣିତ କରୁଛି ଯେ କ୍ଷେତ୍ର ଯାହା ବି ହେଉନା କାହିଁକି, ଭାରତୀୟ ମହିଳାମାନେ ନିଜ ନିଷ୍ଠା, ସଂକଳ୍ପ ଓ ଦକ୍ଷତା ବଳରେ ସବୁ କ୍ଷେତ୍ରରେ ସଫଳତାର ଶୀର୍ଷରେ ପହଞ୍ଚିପାରୁଛନ୍ତି।
