July 2026
ତରବାଲୋ ଉଷ୍ମପ୍ରଶବଣ ଓ ସୁନାମୁହିଁ ପାର୍କର ହେବ କାୟାକଳ୍ପ: ପର୍ଯ୍ୟଟନ ସ୍ଥଳୀ ପରିଦର୍ଶନ କଲେ ବିଧାୟକ ଓ ପର୍ଯ୍ୟଟନ ନିର୍ଦ୍ଦେଶକ
ଭାପୁର/ଖଣ୍ଡପଡ଼ା, ୨୩/୭: ନୟାଗଡ଼ ଜିଲ୍ଲାର ପ୍ରମୁଖ ପର୍ଯ୍ୟଟନ ସ୍ଥଳୀଗୁଡ଼ିକର ବିକାଶ ଓ ସୌନ୍ଦର୍ଯ୍ୟକରଣ ପାଇଁ ବ୍ୟାପକ ପଦକ୍ଷେପ ଗ୍ରହଣ କରାଯାଉଛି । ଏସିଆର ଦ୍ୱିତୀୟ ବୃହତ୍ତମ ଉଷ୍ମପ୍ରଶବଣ ଭାବେ ପରିଚିତ ଭାପୁର ବ୍ଲକ୍ ଗୋଳାପୋଖରୀ ପଞ୍ଚାୟତର ତରବାଲୋ ଗ୍ରାମସ୍ଥିତ ନୀଳକନ୍ଦର ଉଷ୍ମପ୍ରଶବଣ ଏବଂ ଖଣ୍ଡପଡ଼ା ବ୍ଲକ୍ର ସୁନାମୁହିଁ ପାର୍କକୁ ଏକ ଆଦର୍ଶ ଓ ଆକର୍ଷଣୀୟ ପର୍ଯ୍ୟଟନ ସ୍ଥଳୀ ଭାବେ ଗଢ଼ି ତୋଳିବା ପାଇଁ ଗୁରୁବାର ଦିନ ସ୍ଥାନୀୟ ବିଧାୟକ ଇଂ. ଦୁଷ୍ମନ୍ତ କୁମାର ସ୍ୱାଇଁ ଓ ରାଜ୍ୟ […]
ଗ୍ରାମବାସୀଙ୍କ ଘରୁ ବଜ୍ରକାପ୍ତା ଉଦ୍ଧାର, ପ୍ରାଥମିକ ଚିକିତ୍ସା ପରେ ଜଙ୍ଗଲରେ ଛାଡ଼ିଲା ବନ ବିଭାଗ
ଭା’ପୁର ରୁ ବନ ବିଭାଗ ଦ୍ୱାରା ଏକ ଜୀବନ୍ତ ବଜ୍ରକାପ୍ତା (Pangolin)କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ଭାପୁର, ୨୩ ଜୁଲାଇ (ପିପିଏସ): ନୟାଗଡ଼ ଜିଲ୍ଲା ଭାପୁର ବ୍ଲକ୍ ଅନ୍ତର୍ଗତ ବିଜିପୁର ପଞ୍ଚାୟତର ଦୁବପଲ୍ଲୀ ଗ୍ରାମରେ ଗୁରୁବାର ଦିନ ଏକ ବିରଳ ପୃଷ୍ଠପଟ୍ଟାଧାରୀ ପ୍ରାଣୀ ବଜ୍ରକାପ୍ତା (Pangolin) ଉଦ୍ଧାର ହୋଇଛି । ଗ୍ରାମର କୈଳାଶ ମଲ୍ଲିକଙ୍କ ଘର ଭିତରେ ଏହି ବନ୍ୟଜନ୍ତୁଟି ପଶିଯାଇଥିବା ଦେଖିବାକୁ ମିଳିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିଲା । ତେବେ ବନ […]
ବିଦ୍ୟାଳୟ ନୂତନ ପରିଚାଳନା କମିଟି ଗଠନ, ସୁଧାକର ହେଲେ ସଭାପତି
ଧାମନଗର, ୨୩/୦୭:ଧାମନଗର ବ୍ଲକ ଅନ୍ତର୍ଗତ ଭଗବାନପୁର ପଞ୍ଚାୟତର ପଳିକିରି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ରେ ପରିସରରେ ଗୁରୁବାର ଅପରାହ୍ନ ବିଦ୍ୟାଳୟ ନୂତନ ପରିଚାଳନା କମିଟି ଗଠନ ହୋଇଯାଇଛି।ଚୟନ ହେବାକୁ ଥିବା ନୂତନ ପରିଚାଳନା କମିଟି ବୈଠକରେ ବିଦ୍ୟାଳୟ ର ପ୍ରଧାନ ଶିକ୍ଷକ ନିରାକାର ରାଉତ ଅଧ୍ୟକ୍ଷତା କରିଥିବା ବେଳେ ସିଆରସିସି ମୋଜାଫର ହୋସେନ ଓ ଅନନ୍ତ କେଶରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ମନୋଜ କୁମାର ସିଂହ ପର୍ଯ୍ୟବେକ୍ଷକ ଭାବେ ଯୋଗ ଦେଇଥିଲେ। ଏଥିସହ […]
CWG ୨୦୨୬: ଗ୍ଲାସଗୋରେ ଭାରତର ଶୁଭାରମ୍ଭ, ବିନା ମ୍ୟାଚ୍ରେ ପଦକ ପକ୍କା କଲେ ବକ୍ସର ଲଭଲିନା
ନୂଆଦିଲ୍ଲୀ, ୨୩/୭: କମନୱେଲଥ ଗେମ୍ସ (CWG) ୨୦୨୬ ଆନୁଷ୍ଠାନିକ ଭାବେ ଉଦ୍ଘାଟିତ ହେବା ପୂର୍ବରୁ ହିଁ ଭାରତ ପାଇଁ ଆସିଛି ଏକ ବଡ଼ ଓ ଉତ୍ସାହଜନକ ଖବର । ଆୟୋଜନ ଆରମ୍ଭରୁ ହିଁ ଦେଶ ପାଇଁ ପ୍ରଥମ ପଦକ ସୁନିଶ୍ଚିତ ହୋଇସାରିଛି । ସ୍କଟଲ୍ୟାଣ୍ଡର ଗ୍ଲାସଗୋଠାରେ ଆୟୋଜିତ ଏହି ୨୩ତମ କମନୱେଲଥ ଗେମ୍ସରେ ଭାରତର ତାରକା ଆସାମିଜ୍ ବକ୍ସର ତଥା ଅଲିମ୍ପିକ୍ ପଦକ ବିଜେତା ଲଭଲିନା ବୋରଗୋହେନ୍ ଏହି ସଫଳତା ହାସଲ କରିଛନ୍ତି । ବିନା ମ୍ୟାଚ୍ରେ […]
ଟ୍ରୋଲରଙ୍କୁ କାନ୍ଦି କାନ୍ଦି ଜବାବ ଦେଲେ ‘ବଡ଼ା ପାବ ଗର୍ଲ’ ଚନ୍ଦ୍ରିକା ଦୀକ୍ଷିତ
ମୁମ୍ବାଇ, ୨୩/୭: ସୋସିଆଲ ମିଡିଆର ଚର୍ଚ୍ଚିତ ଚେହେରା ‘ବଡ଼ା ପାବ ଗର୍ଲ’ ନାମରେ ଜଣାଶୁଣା ଚନ୍ଦ୍ରିକା ଦୀକ୍ଷିତ ନିଜର ଅନୋଖା ଷ୍ଟାଇଲ୍ ଏବଂ ବକ୍ତବ୍ୟ ପାଇଁ ପ୍ରାୟତଃ ଚର୍ଚ୍ଚାରେ ରହନ୍ତି । ତେବେ ନିକଟରେ ଏକ ପୋଡ୍କାଷ୍ଟ୍ରେ (Podcast) ଦେଇଥିବା ବକ୍ତବ୍ୟକୁ ନେଇ ସେ ବର୍ତ୍ତମାନ ପ୍ରବଳ ସମାଲୋଚନା ଓ ଟ୍ରୋଲିଂର ଶିକାର ହୋଇଛନ୍ତି । ଏହି ବିବାଦ ବଢ଼ିବା ପରେ ସେ କାନ୍ଦି କାନ୍ଦି ଆସି ନିଜର ପକ୍ଷ ରଖିବା ସହ ଟ୍ରୋଲରଙ୍କୁ କଡ଼ା ଜବାବ […]
ବାସ୍ତୁଶାସ୍ତ୍ର ଅନୁଯାୟୀ ଘରର ନିୟମ: ବଢ଼ାନ୍ତୁ ଏକାଗ୍ରତା ଓ ସକାରାତ୍ମକତା
ଘରର ପବିତ୍ରତା ବଜାୟ ରହିଲେ ମନ ପ୍ରଫୁଲ୍ଲ ରହିଥାଏ। ସତେଜତା ଅନୁଭବ ହୋଇଥାଏ ଓ ନୂଆ କାମ କରିବାକୁ ଯୋଶ ଆସିଥାଏ। ତେଣୁ ଘରେ ଯେପରି ନକରାତ୍ମକ ଉର୍ଜା ପ୍ରବେଶ ନ କରେ ସେଥିପ୍ରତି ଧ୍ୟାନ ଦେବା ଉଚିତ । ଘରର ବାତାବରଣ ସକରାତ୍ମକ ରହିଲେ ହିଁ ପିଲାଙ୍କ ମନ ପାଠପଢ଼ାରେ ଲାଗିଥାଏ। ତେଣୁ ଆସନ୍ତୁ ଜାଣିବା ବାସ୍ତୁ ଅନୁଯାୟୀ ପାଠପଢ଼ା ରୁମ୍ରେ କ’ଣ ରଖିବେ, କେଉଁ ଦିଗକୁ ମୁହଁ କରି ପାଠ ପଢ଼ିବେ।
ସବୁ ଶୁଭ କାର୍ଯ୍ୟ ପୂର୍ବରୁ କାହିଁକି କରାଯାଏ କଳସ ସ୍ଥାପନ ?
ସନାତନ ପରମ୍ପରାରେ ଯେକୌଣସି ପୂଜାର୍ଚ୍ଚନା, ଗୃହ ପ୍ରବେଶ, ବିବାହ କିମ୍ବା ମାଙ୍ଗଳିକ କାର୍ଯ୍ୟର ଶୁଭାରମ୍ଭ କଳସ ସ୍ଥାପନାରୁ ହିଁ ହୋଇଥାଏ । ନବରାତ୍ରି, ଦୀପାବଳି କିମ୍ବା ସତ୍ୟନାରାୟଣ ପୂଜା—ସବୁଠି ପୂଜା ମଣ୍ଡପରେ ସର୍ବପ୍ରଥମେ କଳସ ସ୍ଥାପନ କରାଯାଏ । କଳସକୁ ପବିତ୍ରତା, ସୁଖ-ସମୃଦ୍ଧି, ଶୁଭଫଳ ଏବଂ ସକାରାତ୍ମକ ଶକ୍ତିର ପ୍ରତୀକ ଭାବେ ଗ୍ରହଣ କରାଯାଏ । ତେବେ ପ୍ରତ୍ୟେକ ଶୁଭ କାର୍ଯ୍ୟରେ କଳସ ସ୍ଥାପନର ଆବଶ୍ୟକତା କାହିଁକି ରହିଛି, ଆସନ୍ତୁ ଜାଣିବା । ୧. କଳସରେ ତ୍ରିଦେବଙ୍କ […]
ଫିଫା ବିଶ୍ୱକପ ହିରୋଙ୍କ ଭାରତ ଲିଙ୍କ୍
ନୂଆଦିଲ୍ଲୀ,୨୩/୭: ଫେରାନ୍ ଟୋରେସ୍ ଫିଫା ବିଶ୍ୱକପ୍ର ଇତିହାସରେ ସବୁ ଦିନ ପାଇଁ ନିଜ ନାଁକୁ ଲିପିବଦ୍ଧ କରିଦେଇଛନ୍ତି।ଫାଇନାଲ ମ୍ୟାଚ୍ର ୧୦୬ତମ ମିନିଟ୍ରେ ତାଙ୍କର ଶକ୍ତିଶାଳୀ ଶଟ୍ ସ୍ପେନ୍କୁ ଦ୍ୱିତୀୟଥର ପାଇଁ ବିଶ୍ୱଚାମ୍ପିୟନ କରାଇ ଦେଇଛି। ଏହି ବିଜୟୀ ଗୋଲ୍ ପାଇଁ ବିଶ୍ୱ ତାଙ୍କୁ ସବୁବେଳେ ମନେ ରଖିବ। ୨୬ ବର୍ଷୀୟ ଏହି ଫରୱାର୍ଡ କ୍ଲବ୍ ଫୁଟବଲ୍ରେ ଏଫ୍ସି ବାର୍ସେଲୋନା ପାଇଁ ଖେଳନ୍ତି। ଏବେ ତାଙ୍କ ଟ୍ରଫି କ୍ୟାବିନେଟ୍ରେ ଦୁଇଟି ସର୍ବବୃହତ୍ ଅନ୍ତର୍ଜାତୀୟ ଟ୍ରଫି ରହିଛି। କିନ୍ତୁ ଅନେକ ଜାଣି ନଥିବେ ଯେ ସ୍ପେନ୍ର ଫିଫା ବିଶ୍ୱକପ୍ ୨୦୨୬ର ହିରୋ ଫେରାନ୍ ଟୋରେସ୍ଙ୍କର ଭାରତ ସହ ବିଶେଷ ସମ୍ପର୍କ ରହିଛି। ବିଶ୍ୱକପ୍ ଫାଇନାଲ୍ରେ ତାଙ୍କ ଗୌରବମୟ ବିଜୟୀ ଗୋଲ୍ର ପ୍ରାୟ ୯ ବର୍ଷ ପୂର୍ବରୁ ୧୭ ବର୍ଷ ବୟସର ଜଣେ ଯୁବ ଖେଳାଳି ଭାବେ ଫେରାନ୍ ଟୋରେସ୍ ଭାରତ ଆସିଥିଲେ। ଏଠାରେ ସେ ସ୍ପେନ୍କୁ ଫିଫା ଅଣ୍ଡର ୧୭ ବିଶ୍ୱକପ୍ ୨୦୧୭ରେ ରୌପ୍ୟ ପଦକ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ସେତେବେଳେ ଭାଲେନ୍ସିଆର ଏକାଡେମୀର ଖେଳାଳି ଥିଲେ ଫେରାନ। ଟିମରେ ପ୍ରାୟତଃ ରାଇଟ୍-ୱିଙ୍ଗର୍ ଭାବେ ଖେଳୁଥିବା ଫେରାନ୍ ଫାଇନାଲ୍ ପର୍ଯ୍ୟନ୍ତ ସ୍ପେନ୍ର ଯାତ୍ରାରେ ୨ଟି ଗୋଲ୍ ଓ ୨ଟି ଆସିଷ୍ଟ୍ କରିଥିଲେ। ଫାଇନାଲ୍ରେ ଇଂଲଣ୍ଡ ବିପକ୍ଷରେ ସ୍ପେନ୍ର ୨-୫ ପରାଜୟ ମ୍ୟାଚ୍ରେ ମଧ୍ୟ ସେ ଷ୍ଟାର୍ଟିଂ ଏକାଦଶରେ ରହିଥିଲେ। ରବିବାର ଫାଇନାଲରେ ଐତିହାସିକ ଗୋଲ୍ ମାରିବାର ଅନେକ ବର୍ଷ ପୂର୍ବରୁ ଫେରାନ୍ଙ୍କ ଅସାଧାରଣ ପ୍ରତିଭାର ପ୍ରଥମ ଝଲକ ଭାରତର କୋଚି ସ୍ଥିତ ଜବାହରଲାଲ ନେହରୁ ଷ୍ଟାଡିୟମ୍ ଓ କୋଲକାତାର ବିବେକାନନ୍ଦ ଯୁବଭାରତୀ କ୍ରୀଡ଼ାଙ୍ଗନରେ ଦେଖିବାକୁ ମିଳିଥିଲା। ସ୍ପେନ୍ର ୨୦୨୬ ବିଶ୍ୱକପ୍ ବିଜେତା ଦଳରେ ଆଉ ଜଣେ ଏମିତି ଖେଳାଳି ଅଛନ୍ତି, ଯିଏ ଭାରତୀୟ ମାଟିରେ ମଧ୍ୟ ନିଜ ପ୍ରତିଭାର ପ୍ରଥମ ଛାପ ଛାଡ଼ିଥିଲେ। ଫେରାନ୍ଙ୍କ ବାର୍ସେଲୋନା ସାଥୀ ଓ ସେଣ୍ଟର୍-ବ୍ୟାକ୍ ଏରିକ୍ ଗାର୍ସିଆ ମଧ୍ୟ ସେହି ସ୍ପେନ୍ ଅଣ୍ଡର ୧୭ ଟିମର ସଦସ୍ୟ ଥିଲେ, ଯିଏ ଭାରତ ଗସ୍ତ କରିଥିଲା। ଆର୍ଜେଣ୍ଟିନା ବିପକ୍ଷରେ ଫିଫା ବିଶ୍ୱକପ୍ ୨୦୨୬ ଫାଇନାଲ୍ରେ ଏରିକ୍ ମାତ୍ର ୨୧ ମିନିଟ୍ ପାଇଁ ପଡ଼ିଆରେ ନଜର ଆସିଥିଲେ। ବିଶ୍ୱକପ୍ ଫାଇନାଲ୍ରେ ଫେରାନ୍ ସଠିକ୍ ସମୟରେ ସଠିକ୍ ସ୍ଥାନରେ ଥିଲେ। ନିକୋ ୱିଲିୟମ୍ସଙ୍କ ହେଡର୍ ପୋଷ୍ଟରେ ବାଜି ଫେରିଆସିବା ମାତ୍ରେ ଟୋରେସ୍ ବିଜୁଳି ବେଗରେ ପ୍ରତିକ୍ରିୟା ଦେଖାଇ ୧୦୬ତମ ମିନିଟ୍ରେ ବଲ୍କୁ ନେଟ୍ ଭିତରକୁ ମାରିଦେଇଥିଲେ। ଏଥିପାଇଁ ତାଙ୍କୁ ଫାଇନାଲରେ ପ୍ଲେୟର୍ ଅଫ୍ ଦି ମ୍ୟାଚ୍ ପୁରସ୍କାର ମିଳିଛି। ସେହିପରି ସ୍ପେନ୍ ପାଇଁ ବିଶ୍ୱକପ୍ ବିଜୟୀ ଗୋଲ୍ କରିଥିବା ଖେଳାଳି ଆନ୍ଦ୍ରେସ୍ ଇନିଏସ୍ତାଙ୍କ ସହ ନିଜକୁ ସମକକ୍ଷ କରିପାରିଛନ୍ତି। ବିପୁଳ ସଂଖ୍ୟାର ଦର୍ଶକ ସାମ୍ନାରେ ପ୍ରଦର୍ଶନ କରିବା ଫେରାନ୍ଙ୍କ ପାଇଁ ନୂଆ କଥା ନୁହେଁ। କ୍ୟାମ୍ପ ନୌରେ ସେ ପ୍ରତି ସପ୍ତାହରେ ପ୍ରାୟ ୧ ଲକ୍ଷ ଦର୍ଶକଙ୍କ ସାମ୍ନାରେ ଖେଳନ୍ତି। ଏବେ ସେ ବିଶ୍ୱକପ୍ ଫାଇନାଲ୍ରେ ୮୦ ହଜାରରୁ ଅଧିକ ଦର୍ଶକଙ୍କ ସାମ୍ନାରେ ସ୍ମରଣୀୟ ବିଜୟୀ ଗୋଲ୍ କରିଛନ୍ତି। କିନ୍ତୁ ଖଚାଖଚ ଭିଡ଼ ଷ୍ଟାଡିୟମ୍ରେ ଖେଳିବାର ପ୍ରଥମ ଅନୁଭବ ଫେରାନ ୨୦୧୭ରେ ଭାରତର କୋଚି ଓ କୋଲକାତାରେ ପାଇଥିଲେ। ସେ ନିଜ କ୍ୟାରିୟରର ପ୍ରଥମ ବଡ଼ ସମ୍ମାନ ଭାରତରେ ହିଁ ଜିତିଥିଲେ।
ଇଂଲଣ୍ଡ ଗସ୍ତ ନିରାଶାଜନକ ଭାବେ ଶେଷ ହୋଇଛି; ଫିଟ୍ ନଥାଇ ବି ଖେଳୁଛନ୍ତି ଖେଳାଳି!
ନୂଆଦିଲ୍ଲୀ,୨୩/୭: ଭାରତୀୟ ଦିନିକିଆ ଦଳର ଅଧିନାୟକ ଶୁବମନ ଗିଲ୍ ଖେଳାଳିମାନଙ୍କ ବାରମ୍ବାର ଆଘାତ ସମସ୍ୟାକୁ ନେଇ ନିଜର ଅସନ୍ତୋଷ ପ୍ରକାଶ କରିଛନ୍ତି। ବିଶେଷ କରି ଖେଳାଳିଙ୍କ ହାମ୍ଷ୍ଟ୍ରିଙ୍ଗ୍ ସମସ୍ୟା ଦଳ ପାଇଁ ବଡ଼ ଚିନ୍ତାର କାରଣ ପାଲଟିଛି। ରିପୋର୍ଟ ଅନୁସାରେ, ବେଙ୍ଗାଲୁରୁସ୍ଥିତ ‘ସେଣ୍ଟର ଅଫ୍ ଏକ୍ସଲେନ୍ସ’ (CoE), ଟିମ୍ ମ୍ୟାନେଜମେଣ୍ଟ ଏବଂ ଖେଳାଳିଙ୍କ ମଧ୍ୟରେ ସଠିକ୍ ଯୋଗାଯୋଗ ହୋଇପାରୁ ନଥିବାରୁ ଏଭଳି ପରିସ୍ଥିତି ସୃଷ୍ଟି ହେଉଛି। ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁଯାୟୀ, ଖେଳାଳିମାନେ ସମ୍ପୂର୍ଣ୍ଣ ଫିଟ୍ ନଥାଇ ମଧ୍ୟ ପଡ଼ିଆକୁ ଓହ୍ଲାଉଛନ୍ତି। CoE ରେ ‘ନିତିନ ପଟେଲ’ ପଦ ଛାଡ଼ିବା ପରଠାରୁ ମୁଖ୍ୟ ମେଡିକାଲ ଅଫିସର ପଦବୀ ଖାଲି ପଡ଼ିଛି ଏବଂ ୨୦୨୩ର ଏସଓପି (SOP) ରେ କୌଣସି ଅପଡେଟ୍ ହୋଇନାହିଁ। ଚଳିତ ବର୍ଷ ଫେବ୍ରୁଆରୀ ଟି-୨୦ ବିଶ୍ୱକପ୍ ସମୟରେ ୱାଶିଂଟନ୍ ସୁନ୍ଦର ସମ୍ପୂର୍ଣ୍ଣ ଫିଟ୍ ନଥାଇ ମଧ୍ୟ ଦଳରେ ସାମିଲ ହୋଇଥିଲେ। ମ୍ୟାଚ୍ ଖେଳିବା ପାଇଁ ତାଙ୍କୁ ଅତି କମ୍ରେ ୧୦ ଦିନ ସମୟ ଦରକାର ଥିବା ବେଳେ ମ୍ୟାନେଜମେଣ୍ଟ ଜୋରଜବରଦସ୍ତ ତାଙ୍କୁ ପ୍ରସ୍ତୁତ କରିଥିବା ଅଭିଯୋଗ ହୋଇଛି। ଆଣ୍ଠୁ ଆଘାତ ପରେ ହର୍ଷିତ ରାଣା ନିଜର ପୂର୍ବ ଓଜନ ହାସଲ କରିନଥିଲେ ମଧ୍ୟ ଟିମ୍ ମ୍ୟାନେଜମେଣ୍ଟର ଜିଦ୍ ଯୋଗୁଁ CoE ତାଙ୍କୁ ଖେଳିବାକୁ କ୍ଲିୟରାନ୍ସ ଦେଇଥିଲା। ସେହିପରି ବୋଲିଂ ସ୍ପିଡ୍ ବୃଦ୍ଧି କରିବା ପାଇଁ ଇଂଲିଶ କୋଚ୍ ଷ୍ଟେଫାନ୍ ଜୋନ୍ସଙ୍କ ସହ କାମ କରୁଛନ୍ତି ନୀତିଶ। ମାତ୍ର ବଡ଼ ଟୁର୍ନାମେଣ୍ଟ ପୂର୍ବରୁ ହଠାତ୍ ଅଧିକ ସ୍ପିଡ୍ ପାଇଁ ବୋଲିଂ କରିବା ତାଙ୍କ ଉପରେ ଚାପ ପକାଉଛି। ତେବେ ଗତବର୍ଷ କର୍ମଚାରୀଙ୍କ ପରିବର୍ତ୍ତନ ପରେ ସିନିୟର ଖେଳାଳିମାନେ ନୂଆ ନିୟମ ସହ ଅଭ୍ୟସ୍ତ ହୋଇପାରୁ ନାହାଁନ୍ତି। ଆଜିକାଲି ସବୁ ଫର୍ମାଟ୍ ଖେଳୁଥିବା ଖେଳାଳିଙ୍କ ସଂଖ୍ୟା କମ୍। ଯେଉଁ ଖେଳାଳିମାନେ CoE ରେ ରିହାବିଲିଟେସନ୍ କରୁନାହାଁନ୍ତି, ବୋର୍ଡର ମେଡିକାଲ ଟିମ୍ ସେମାନଙ୍କ ସହ କୌଣସି ଯୋଗାଯୋଗ ରଖୁନାହିଁ। ଫଳରେ ଜାତୀୟ ଦଳରୁ ବାହାରେ ଥିବା ସମୟରେ ଖେଳାଳିମାନେ ନିଜର ଫିଟନେସ୍କୁ ନେଇ ଚିନ୍ତାରେ ରହୁଛନ୍ତି। ବୋର୍ଡର ମେଡିକାଲ ଟିମ୍ ଏବଂ ଟିମ୍ ମ୍ୟାନେଜମେଣ୍ଟ ମଧ୍ୟରେ ଏହି ଯୋଗାଯୋଗର ଅଭାବ ଏବେ ଭାରତୀୟ କ୍ରିକେଟ୍ ଦଳ ପାଇଁ ବଡ଼ ସଙ୍କଟ ।
ହରଭଙ୍ଗା ତହସିଲ କାର୍ଯ୍ୟାଳୟକୁ ଜମି ରେଜିଷ୍ଟ୍ରେସନ୍ ପାଇଁ ଆସୁଥିବା ଲୋକେ ହନ୍ତସନ୍ତ ହେଉଥିବା ଅଭିଯୋଗ
ବୌଦ୍ଧ, ୨୩/୭: ବୁଧବାର ଦିନ ୨ ଘଣ୍ଟା ସମୟରେ ହରଭଙ୍ଗା ତହସିଲ କାର୍ଯ୍ୟାଳୟକୁ ଜମି ରେଜିଷ୍ଟ୍ରେସନ ପାଇଁ ଆସୁଥିବା ଲୋକେ ହନ୍ତସନ୍ତ ହେଉଥିବା ଅଭିଯୋଗ କରିଛନ୍ତି | ମିଳିଥିବା ସୂଚନା ଅନୁଯାୟୀ କିଛି ମାସ ହେଲା ବୌଦ୍ଧ ଜିଲ୍ଲା ହରଭଙ୍ଗା ତହସିଲଦାରଙ୍କୁ ଉପ ନିବନ୍ଧକ ଭାବେ ଦାୟିତ୍ବ ହସ୍ତାନ୍ତର କରା ଯାଇଛି | ତେଣୁ ସପ୍ତାହକୁ ଦୁଇ ଦିନ ୨୨ ଗୋଟି ଲେଖାଏଁ ଜମି ଜମା କ୍ରୟ ବିକ୍ରୟ ପଂଜିକରଣ କରା ଯାଉଛି l ବିକ୍ରେତା ମାନେ […]