ଜାତୀୟ

ଥିରୁବନନ୍ତପୁରମ, ୭|୭(ବ୍ୟୁରୋ): କେରଳର ୱାୟନାଡ ଜିଲ୍ଲାରେ ଲଗାତାର ପ୍ରବଳ ବର୍ଷା ଯୋଗୁଁ ପରିସ୍ଥିତି ଗୁରୁତର ହୋଇପଡ଼ିଛି। ଅବିରତ ବର୍ଷାର ପ୍ରଭାବରେ କଲ୍ଲାଡି ଟନେଲ ନିର୍ମାଣ ସ୍ଥଳ ନିକଟରେ ଭୂସ୍ଖଳନ ଘଟିଥିବାରୁ ରାସ୍ତା ଅବରୋଧ ହେବା ସହ ଅନେକ ଶ୍ରମିକ ବିପଦରେ ପଡ଼ିଥିଲେ। ଘଟଣା ପରେ ତୁରନ୍ତ ପ୍ରଶାସନ, ଉଦ୍ଧାରକାରୀ ଦଳ ଓ ସ୍ଥାନୀୟ ଲୋକମାନେ ମିଶି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ପ୍ରାଥମିକ ସୂଚନା ଅନୁସାରେ, ଭୂସ୍ଖଳନ ସମୟରେ ପ୍ରାୟ ୧୦ ଜଣ ମାଟି ତଳେ ଫସି […]

ଆମେରିକା ମଦଦ ରେ ଇସ୍ରାଏଲ ର ଗାଜା ଉପରେ ବର୍ବର ଆକ୍ରମଣପ୍ରତିବାଦରେ ବିକ୍ଷୋଭକଟକ ତା ୮/୪- ଆମେରିକାର ସହାୟତାରେ ଯୁଦ୍ଧ ବିରତି ଚୁକ୍ତି ଉଲଂଘନ କରି ଗାଜା ଉପରେ ଉଗ୍ର ଇହୁଦି ବାଦି ଇସ୍ରାଏଲ ରବର୍ବରୋଚିତ ଆକ୍ରମଣର ଦେଶବ୍ୟାପୀ ପ୍ରତିବାଦ ପାଇଁ ଏସ ୟୁ ସି ଆଇ ( କମ୍ୟୁନିଷ୍ଟ) କେନ୍ଦ୍ରୀୟ କମିଟି ପକ୍ଷରୁ ଡ଼ାକରା ଦିଆଯାଇଛି।ଏହି ଡାକରା ଅନୁଯାୟୀ ଆଜି ଦଳର କଟକ ଜିଲ୍ଲା କମିଟି ପକ୍ଷରୁ ସ୍ଥାନୀୟ କଚେରିଗଡା ଠାରେ ବିକ୍ଷୋଭ ପ୍ରଦର୍ଶନ କରଯାଇଥିଲା।ବିକ୍ଷୋଭ […]

ରାୟପୁର: ନକ୍ସଲବାଦ ବିରୋଧରେ କେନ୍ଦ୍ର ସରକାର ଜୋରଦାର ଅଭିଯାନ ଚଳାଇଛନ୍ତି । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଲାଗାତାର ଦେଶରୁ ନକ୍ସଲବାଦ ସମାପ୍ତ କରିବା ଉପରେ ଜୋର ଦେଇଆସିଛନ୍ତି । ଏବେ ଅମିତ ଶାହ ଛତିଶଗଡ଼ ଗସ୍ତରେ ଥିବା ବେଳେ ନକ୍ସଲମୁକ୍ତ ଭାରତ ଲାଗି ମୋଦୀ ସରକାରଙ୍କ ସଂକଳ୍ପ ଦୋହରାଇଛନ୍ତି । ଛତିଶଗଡ଼ ଦାନ୍ତେଓ୍ବାଡାର ବସ୍ତରରେ ଆୟୋଜିତ ପଣ୍ଡୁମ ମହୋତ୍ସବରେ ସାମିଲ ହୋଇଥିଲେ କେନ୍ଦ୍ରମନ୍ତ୍ରୀ ଅମିତ ଶାହ । ଏହି ସମୟରେ ଶାହ କହିଛନ୍ତି, ‘ଆଜ ଚୈତ୍ର ନବରାତ୍ରିର ଅଷ୍ଟମୀ ତିଥି । ମୁଁ ଏବେ ମାତା ଦନ୍ତେଶ୍ବରୀଙ୍କ ଆଶୀର୍ବାଦ ନେଇକି ଆସିଛି । ପ୍ରାର୍ଥନା କରୁଛି ଆସନ୍ତା ବର୍ଷ ଚୈତ୍ର ନବରାତ୍ରି ବେଳକୁ ଏଠାରୁ ଲାଲ ଆତଙ୍କ ମୂଳପୋଛ ହୋଇଯାଇଥିବ ଏବଂ ଆମ ବସ୍ତର ସମୃଦ୍ଧ ହୋଇଥିବ।’ ସେ କହିଛନ୍ତି, ଗୁଳିମାଡ଼ ଏବଂ ବୋମା ମାଡ଼ର ସମୟ ଚାଲିଯାଇଛି । ସବୁ ନକ୍ସଲଙ୍କୁ ଯୁଦ୍ଧସ୍ତ୍ର ଛାଡ଼ିବାକୁ ଅପିଲ କରୁଛି । ଯେବେ କେହି ନକ୍ସଲ ପ୍ରାଣ ହରାଉଛି ଏଥିରେ କେହି ଖୁସି ହେଉ ନାହାନ୍ତି । କିନ୍ତୁ ଏହି ଅଞ୍ଚଳ ପାଇଁ ବିକାଶର ଆବଶ୍ୟକତା ରହିଛି । ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ଏବଂ ଉପମୁଖ୍ୟମନ୍ତ୍ରୀ ବିଜୟ ଶର୍ମା ଘୋଷଣା କରିଛନ୍ତି ଯେ, ଯେଉଁ ଗାଁ ନକ୍ସଲଙ୍କୁ ଆତ୍ମସମର୍ପଣ କରିବାକୁ ସାହାଯ୍ୟ କରିବେ ସେହି ସବୁ ଗାଁକୁ ନକ୍ସଲମୁକ୍ତ ଘୋଷଣା କରାଯିବ । ଏହା ସହ ଗାଁର ବିକାଶ ଲାଗି ଏକ କୋଟି ଲେଖାଏଁ ଦିଆଯିବ । ତେଣୁ ଆପଣମାନେ (ନକ୍ସଲ) ନକ୍ସଲବାଦ ଛାଡ଼ି ସମାଜର ମୁଖ୍ୟସ୍ରୋତରେ ସାମିଲ ହୁଅନ୍ତୁ ବୋଲି କହିଛନ୍ତି ଶାହ । ଏଥିପାଇଁ ଭାରତ ଏବଂ ରାଜ୍ୟ ସରକାର ସେମାନଙ୍କ ସୁରକ୍ଷା ସୁନିଶ୍ଚିତ କରିବେ ବୋଲି ମଧ୍ୟ ଶାହ ପ୍ରତିଶ୍ରୁତି ଦେଇଛନ୍ତି ।  ଅମିତ ଶାହ କହିଛନ୍ତି, ‘କଂଗ୍ରେସ ଗରିବୀ ହଟାଅ ନାରା ଦେଲା କିନ୍ତୁ ଗରିବୀ ହଟାଇ ପାରିଲା ନାହିଁ । ମୋଦୀ ଜୀ ଗରିବଙ୍କ ବିକାଶ ପାଇଁ କାର୍ଯ୍ୟ କରୁଛନ୍ତି । ଗରିବଙ୍କୁ ରାସନ ଦିଆଯାଉଛି । ସମଗ୍ର ଅଞ୍ଚଳରୁ ଲାଲ ଆତଙ୍କ ଆମେ ହଟାଇବୁ । ଆସନ୍ତ ବର୍ଷ ନକ୍ସଲବାଦ ମୂଳପୋଛ ହେଇଯିବ । ପ୍ରତି ଗାଁ ନକ୍ସଲମୁକ୍ତ ହେବ, ଏଥିପାଇଁ କାର୍ଯ୍ୟ ଜାରି ରହିଛି ।’ଶାହ ଆହୁରି କହିଛନ୍ତି ଯେ, ଅସ୍ତ୍ର ଦ୍ବାରା ବିକାଶ ହୋଇପାରିବ ନାହିଁ । ନରେନ୍ଦ୍ର ମୋଦୀ ବସ୍ତରକୁ ପରିବର୍ତ୍ତନ କରିବାକୁ ଚାହୁଁଛନ୍ତି । ବିଷ୍ଣୁଦେବ ସାଏ ରାଜ୍ୟର ପ୍ରଥମ ଆଦିବାସୀ ମୁଖ୍ୟମନ୍ତ୍ରୀ ହୋଇଛନ୍ତି । କେନ୍ଦୁ ପତ୍ର ଟଙ୍କା ଏବେ ଦଲାଲଙ୍କ ପାଖକୁ ଯାଉ ନାହିଁ । ବସ୍ତରର ପ୍ରତି ଅଞ୍ଚଳ‌ରେ ବିକାଶ ହେଉଛି । ବସ୍ତରର ବିକାଶ ଲାଗି ବିଜେପି ସରକାର କାମ କରୁଛନ୍ତି । ଆମେ ଚାହୁଁଛୁ ବସ୍ତରର ଯୁବକ ଆଗକୁ ଆସନ୍ତୁ । ନିଜ ଭାଷା ଓ ପରମ୍ପରାକୁ ଆଗକୁ ଆଣନ୍ତୁ । ସମଗ୍ର ବସ୍ତର ଲାଲ ଆତଙ୍କ ମୁକ୍ତ ହେବାକୁ ଯାଉଛି । ବସ୍ତର ବିକାଶର ରାସ୍ତାରେ ଗତି କରୁଛି ବୋଲି କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ।