ହଦଗଡ଼ ଡ୍ୟାମ୍ର ୪ ଗେଟ୍ ଖୋଲିବା ପରେ ଭଦ୍ରକରେ ବନ୍ୟା ପରିସ୍ଥିତି: ସାଳନ୍ଦୀ ନଦୀର ଜଳସ୍ତର ବିପଦ ସଙ୍କେତ ଉପରେ, ୧୪ଟି ପଞ୍ଚାୟତ ଓ ସହରର ଏକାଧିକ ୱାର୍ଡ ଜଳମୟ
ଭଦ୍ରକ (ଡିଜିଟାଲ ନ୍ୟୁଜ୍ ଡେସ୍କ): ହଦଗଡ଼ ଡ୍ୟାମ୍ର ୪ଟି ଗେଟ୍ ଖୋଲିବା ପରେ ଭଦ୍ରକ ଜିଲ୍ଲାରେ ଭୟାବହ ବନ୍ୟା ପରିସ୍ଥିତି ସୃଷ୍ଟି ହୋଇଛି। ସାଳନ୍ଦୀ ନଦୀର ଜଳସ୍ତର ବିପଦ ସଙ୍କେତ ଉପରେ ପ୍ରବାହିତ ହେଉଥିବା ବେଳେ, ନଦୀବନ୍ଧ ଦୁର୍ବଳ ଥିବାରୁ ବନ୍ୟା ଜଳ ସିଧାସଳଖ ଭଦ୍ରକ ସହର ଓ ଗ୍ରାମାଞ୍ଚଳ ଭିତରକୁ ପ୍ରବେଶ କରିଛି। ଗତ ତିନି ଦିନ ହେବ ସାଳନ୍ଦୀର ବନ୍ୟା ପାଣିରେ ଲୋକେ ଜଳବନ୍ଦୀ ହୋଇ ରହିଥିବା ବେଳେ ସହର ଓ ଗ୍ରାମାଞ୍ଚଳରେ ଜନଜୀବନ ସମ୍ପୂର୍ଣ୍ଣ ବ୍ୟାହତ ହୋଇପଡ଼ିଛି।
ଲଗାଣ ବର୍ଷା ଓ ସାଳନ୍ଦୀ ନଦୀର ଜଳବୃଦ୍ଧି ଯୋଗୁଁ ସହର ଓ ଗ୍ରାମାଞ୍ଚଳବାସୀ ଦୁର୍ଦ୍ଦଶାର ସମ୍ମୁଖୀନ ହେଉଥିବା ବେଳେ ପ୍ରଶାସନ ପକ୍ଷରୁ ଉଦ୍ଧାର ଓ ରିଲିଫ କାର୍ଯ୍ୟକୁ ତ୍ୱରାନ୍ୱିତ କରାଯାଉଛି।