NEET ବିବାଦକୁ ନେଇ ସଂସଦରେ ବିରୋଧୀଙ୍କ ‘କଳା ଦିବସ’ ପାଳନ
ନୂଆଦିଲ୍ଲୀ, ୨୨/୭: NEET ପରୀକ୍ଷାରେ କଥିତ ଅନିୟମିତତା ଏବଂ ଆନ୍ଦୋଳନରତ ଛାତ୍ରଛାତ୍ରୀଙ୍କ ଉପରେ ପୋଲିସ କାର୍ଯ୍ୟାନୁଷ୍ଠାନକୁ ବିରୋଧ କରି ବୁଧବାର ସଂସଦରେ INDIA ମେଣ୍ଟର ସାଂସଦମାନେ ‘କଳା ଦିବସ’ ପାଳନ କରିଛନ୍ତି। ଲୋକସଭାର ବିରୋଧୀ ଦଳନେତା ରାହୁଲ ଗାନ୍ଧୀଙ୍କ ନେତୃତ୍ୱରେ ସମସ୍ତ ବିରୋଧୀ ସାଂସଦ କଳା ପୋଷାକ ପିନ୍ଧି ସଂସଦ ପରିସରକୁ ଆସିଥିଲେ।
କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ଭଦ୍ରା, ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ, ତୃଣମୂଳ କଂଗ୍ରେସ ସାଂସଦ ମହୁଆ ମୈତ୍ର, ଝାରଖଣ୍ଡ ମୁକ୍ତି ମୋର୍ଚ୍ଚାର ମହୁଆ ମାଜିଙ୍କ ସହ ଅନ୍ୟାନ୍ୟ ବିରୋଧୀ ସାଂସଦମାନେ ମକର ଦ୍ୱାର ନିକଟରେ ଏକତ୍ରିତ ହୋଇ ବିକ୍ଷୋଭ ପ୍ରଦର୍ଶନ କରିଥିଲେ।
ବିକ୍ଷୋଭ ସମୟରେ ସାଂସଦମାନେ ଛାତ୍ରଛାତ୍ରୀଙ୍କୁ ନ୍ୟାୟ ଦେବା ଏବଂ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରେ ସ୍ଲୋଗାନ ଦେଇଥିଲେ। ବିରୋଧୀ ଦଳର ଅଭିଯୋଗ ଅନୁସାରେ, NEET ପରୀକ୍ଷାକୁ ନେଇ ଉଠିଥିବା ବିବାଦର ସଠିକ୍ ତଦନ୍ତ ହେବା ସହ ଦୋଷୀଙ୍କ ବିରୋଧରେ କଠୋର ପଦକ୍ଷେପ ନିଆଯିବା ଆବଶ୍ୟକ।
ଅନ୍ୟପଟେ, ସରକାର ପୂର୍ବରୁ କହିଆସୁଛନ୍ତି ଯେ ପରୀକ୍ଷା ବ୍ୟବସ୍ଥାରେ ସ୍ୱଚ୍ଛତା ବଜାୟ ରଖିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯାଉଛି ଏବଂ ମାମଲାର ତଦନ୍ତ ଚାଲିଛି।
Related Posts
ଆଜିର ରାଶିଫଳ
ଶିକ୍ଷକ ନିଯୁକ୍ତି ଦାବିରେ ଆଶ୍ରମ ସ୍କୁଲ୍ରେ ତାଲା, ଗଛମୂଳେ ପାଠ ପଢୁଛନ୍ତି ଛାତ୍ରଛାତ୍ରୀ
