ପୁରୀ,୧୯-୮-୨୪(ପିପିଏସ) : ପୁରୀ ଟାଉନ ଥାନା ହାଡଗୋଡିଆସାହି ଛକରେ, ପୂର୍ବ ଶତ୍ରୁତାକୁ ନେଇ ଜଣେ ବ୍ୟକ୍ତିଙ୍କୁ ଗୋଡାଇ ଗୋଡାଇ ଖଣ୍ଡାରେ ମରଣାନ୍ତକ ଆକ୍ରମଣ ହୋଇଛି । ଗୁରୁତର ଅବସ୍ଥାରେ ତାଙ୍କୁ ପୁରୀ ମେଡିକାଲରେ ଭର୍ତ୍ତି କରାଯାଇଛି । ଆହତ ହୋଇଥିବା ବ୍ୟକ୍ତି ହେଲେ ହରିହର ସାହୁ l ତାଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ୩ଟି ବାଇକରେ ଆସି ୩ ଦୁର୍ବୃତ୍ତ ଖଣ୍ଡାରେ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ । କିଛି ଦିନ ତଳେ ଦିନେଶ ଖୁଣ୍ଟିଆ ହତ୍ୟା ଲିଙ୍କରେ ଏହି ଆକ୍ରମଣ ହୋଇଥିବା ସନ୍ଦେହ କରାଯାଉଛି । ଦିନେଶ ହତ୍ୟା ମାମଲାରେ ହରିହରଙ୍କ ପୁଅ ଗିରଫ ହୋଇଥିଲେ । ତେବେ ଆଜି ତାଙ୍କ ଉପରକୁ ମରଣାନ୍ତକ ଆକ୍ରମଣ ହୋଇଛି । ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି ।
