କଟକ,୦୧-୧୧-୨୦୨୪ (ପିପିଏସ) : ଭାରତର ପ୍ରଥମ ମହିଳା ପ୍ରଧାନ ମନ୍ତ୍ରୀ,ଲୌହ ମାନବୀ ସ୍ୱର୍ଗୀୟା ଇନ୍ଦିରା ଗାନ୍ଧୀ ଙ୍କ ପୁଣ୍ୟ ତିଥି ଅବସରରେ କଟକ ଶକ୍ତି ନଗର କଂଗ୍ରେସ କାର୍ଯ୍ୟାଳୟରେ ବରିଷ୍ଠ କଂଗ୍ରେସ୍ ନେତା ତଥା କଟକ ସଦର ନିର୍ବାଚନ ମଣ୍ଡଳୀ ର କଂଗ୍ରେସ ବିଧାୟକ ପ୍ରାର୍ଥୀ ରାମ ଚନ୍ଦ୍ର ଗୋଚ୍ଛାୟତ ଙ୍କ ଅଧ୍ୟକ୍ଷତାରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି ।ଏହି ଅବସରରେ ଶକ୍ତି ନଗର କଂଗ୍ରେସ କାର୍ଯ୍ୟାଳୟରୁ କଂଗ୍ରେସ କର୍ମୀମାନେ ବାହାରି ଗୋପାଳପୁର ସ୍ଥିତ ସ୍ୱର୍ଗୀୟା ଇନ୍ଦିରା ଗାନ୍ଧୀ ଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରାଯିବା ସହ ଦେଶ ପାଇଁ ଥିବା ତାଙ୍କ ଅବଦାନ ଓ ବଳିଦାନ ସମ୍ପର୍କରେ ଆଲୋଚନା କରାଯାଇଥିଲା । ଇନ୍ଦିରାଜୀ ଙ୍କ ସମୟରେ ବ୍ୟାଙ୍କ୍ ଜାତୀୟ କରଣ, ବାଙ୍ଗଲାଦେଶ କୁ ସ୍ଵତନ୍ତ୍ର ଦେଶ ଘୋଷଣା କରିବା,ବଳିଷ୍ଠ ବୈଦେଶିକ ନୀତି, ସହ ତାଙ୍କର ସାହସିକତା ପାଇଁ ତାଙ୍କୁ ଝାନସୀ ରାଣୀ ଲକ୍ଷ୍ମିବାଇ ଙ୍କ ସହ ତୁଳନା କରାଯାଇଥିଲା ।ଏହି କାର୍ଯ୍ୟକ୍ରମରେ କଟକ ଜିଲ୍ଲା କଂଗ୍ରେସ ର ବରିଷ୍ଠ ଉପସଭାପତି ଶିଶିର ରଥ,ମନୋଜ ବିଶ୍ଵାଳ ଓ ରାଜେଶ୍ ସ୍ୱାଇଁ,କଟକ ନଗର(ଜିଲ୍ଲା)କଂଗ୍ରେସ ର ମୁଖ୍ୟ ମୁଖପାତ୍ର ମାନସ ପରିଡ଼ା,ବରିଷ୍ଠ କଂଗ୍ରେସ ନେତା ନିର୍ମଳ ସ୍ୱାଇଁ, ଆଡଭୋକେଟ ଅନ୍ନପୂର୍ଣ୍ଣା ସାହୁ, ବିନୟ କୁମାର ଲେଙ୍କା,ଋଷି କlଣ୍ଡି,ବିଜୟ ମଲ୍ଲିକ, ସୁରେନ୍ଦ୍ର ନାୟକ,ସୁନିଲ କୁମାର ଜେନା,ଜିଲ୍ଲା କଂଗ୍ରେସ ର ପ୍ରାକ୍ତନ ସମ୍ପାଦକ ସଚ୍ଚିଦାନନ୍ଦ ରାଉତ୍, କାଳନ୍ଦୀ ଖୁଣ୍ଟିଆ,ବିକି ଜେଠି, ପ୍ରତ୍ୟୁଷ ସାହୁ,ରଜନୀ ବସ୍ତିଆ, ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ଉଗ୍ରସେନ ଭୂୟାଁ, ପ୍ରାକ୍ତନ କର୍ପୋରେଟର ପ୍ରଶାନ୍ତ ଭୋଇ, ନିହାର ରଞ୍ଜନ ନନ୍ଦ, ସୁବ୍ରତ ସ୍ୱାଇଁ,ଉମେଶ ଛାଟୋଇ,ଜୟ ନାରାୟଣ ତ୍ରୀପାଠୀ,ପ୍ରମୁଖ ଯୋଗଦେଇ ଇନ୍ଦିରା ଜୀ ଙ୍କ ପ୍ରତି ଶ୍ରଦ୍ଧା ସୁମନ ଅର୍ପଣ କରିଥିଲେ ।
