ବାରିପଦା/ଭୁବନେଶ୍ୱର,୦୮-୦୯-୨୦୨୪(ପିପିଏସ) : ସ୍ଥାନୀୟ ସହିଦ ସ୍ମୃତି ଭବନ ପରିସରରେ ଅକ୍ଟୋବର ମାସ ୫ ତାରିଖରୁ “ରୂପାନ୍ତର ଅନୁଷ୍ଠାନ” ତାର ରୌପ୍ୟ ଜୟନ୍ତୀ ପାଳନ କରିବା ଅବସରରେ ରାଜ୍ୟ ସ୍ତରୀୟ ନାଟକ ମହୋତ୍ସବ ଆୟୋଜନ କରାଯିବ ବୋଲି ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି I ମହୋତ୍ସବ ଉଦଘାଟନୀ ସଂଧ୍ୟାରେ ଆୟୋଜକ “ରୂପାନ୍ତର” ପକ୍ଷରୁ ନିଜସ୍ୱ ନାଟକ “ଦୁର୍ଘଟଣା” ମଞ୍ଚସ୍ଥ ହେବ ବୋଲି ସଂସ୍ଥାର ଅଧ୍ୟକ୍ଷ ବୀରେନ୍ଦ୍ରନାଥ ସାହୁ ଜଣାଇଛନ୍ତି I ଇତିମଧ୍ୟରେ ନାଟକର ବହି ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ନାଟକର ରଚନା ଓ ନିର୍ଦ୍ଦେଶନା ପରେଶ ସାହୁ (ଖୁଦି ଭାଇ) କରି ଥିବାବେଳେ ଅଭିନୟରେ ପ୍ରସନ୍ନ ମହାନ୍ତି, ପରେଶ ସାହୁ, ସତ୍ୟନାରାୟଣ ଦାସ, ଜ୍ଞାନ ରଞ୍ଜନ ପଣ୍ଡା, ସୋମନାଥ ସିଂହ, ସପନ ପଣ୍ଡା, ଦିନେଶ ସାହୁ, ଶୁଭେନ୍ଦୁ ସାହୁ, ନାରାୟଣ ମଣ୍ଡଳ, ଜ୍ୟୋତି ପଟ୍ଟନାୟକ ଓ ପଦ୍ମିନୀ ପାଢ଼ୀ ପ୍ରମୁଖ ଅଂଶ ଗ୍ରହଣ କରିଛନ୍ତି I ସଂସ୍ଥାର ଉପାଧ୍ୟକ୍ଷ ପଦ୍ମଶ୍ରୀ ଡଃ ଦମୟନ୍ତୀ ବେଶ୍ରା ନାଟକ ମହୋତ୍ସବର ସଫଳତା କାମନା କରିଛନ୍ତି I
