ମିଥୁନ ଚକ୍ରବର୍ତ୍ତୀଙ୍କ ସଫଳ ଅସ୍ତ୍ରୋପଚାର, ହସ୍ପିଟାଲରେ ପହଞ୍ଚିଲେ ସିଏମ୍ ସୁବେନ୍ଦୁ ଅଧିକାରୀ
କୋଲକାତା, ୭/୮: ବରିଷ୍ଠ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କର କୋଲକାତାର ଏକ ଘରୋଇ ହସ୍ପିଟାଲରେ ସଫଳ ଅସ୍ତ୍ରୋପଚାର ହୋଇଛି। ପୂର୍ବରୁ ହୋଇଥିବା ଏକ ଆଘାତ ପରେ ଲଗାଯାଇଥିବା ଧାତୁର ପ୍ଲେଟ୍କୁ ଅପସାରଣ କରିବା ପାଇଁ ଏହି ପ୍ରକ୍ରିୟା କରାଯାଇଥିବା ହସ୍ପିଟାଲ ସୂତ୍ରରୁ ଜଣାପଡ଼ିଛି। ଅସ୍ତ୍ରୋପଚାର ପରେ ମିଥୁନଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ସହ ସେ ସୁସ୍ଥ ହେଉଥିବା ଜଣାପଡ଼ିଛି।
ଅସ୍ତ୍ରୋପଚାର ପରେ ମିଥୁନ ଚକ୍ରବର୍ତ୍ତୀ ଡାକ୍ତରଙ୍କ ନିରୀକ୍ଷଣରେ ରହିଛନ୍ତି। ତାଙ୍କ ସ୍ୱାସ୍ଥ୍ୟାବସ୍ଥାରେ କୌଣସି ଜଟିଳତା ଦେଖାଦେଇନଥିବା ସୂଚନା ମିଳିଛି।
ଖବର ପାଇବା ପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ସୁବେନ୍ଦୁ ଅଧିକାରୀ ହସ୍ପିଟାଲରେ ପହଞ୍ଚି ମିଥୁନଙ୍କୁ ଭେଟିବା ସହ ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିଥିଲେ। ସୋସିଆଲ ମିଡିଆରେ ସେ ମିଥୁନଙ୍କ ଶୀଘ୍ର ଆରୋଗ୍ୟ କାମନା କରିଥିବା ଜଣାଇଛନ୍ତି।
ମିଥୁନ ଚକ୍ରବର୍ତ୍ତୀ ଚଳଚ୍ଚିତ୍ର ଜଗତରେ ଦୀର୍ଘ ଦିନର କ୍ୟାରିୟର ସହିତ ବିଜେପିର ଜଣେ ପ୍ରମୁଖ ନେତା ଭାବେ ମଧ୍ୟ ସକ୍ରିୟ ଅଛନ୍ତି। ବୃତ୍ତିଗତ କ୍ଷେତ୍ରରେ ସେ ରଜନୀକାନ୍ତଙ୍କ ଅଭିନୀତ ଆଗାମୀ ଫିଲ୍ମ Jailer 2ରେ ନଜର ଆସିବେ।
