୭୦ତମ ଜନ୍ମଦିନରେ ଡ. ଭର୍ତ୍ତୃହରି ମହତାବଙ୍କ ଦୀର୍ଘାୟୁ କାମନା
କଟକ: ଡ. ଭର୍ତ୍ତୃହରି ମହତାବଙ୍କ ୭୦ତମ ଜନ୍ମଦିନ ଅବସରରେ ୪୨ ମୌଜା ଦେଉଳିଢେଉରାସ୍ଥିତ ଅନ୍ଧେଇବା ଶ୍ରୀଶ୍ରୀ ବାଲେଶ୍ୱର ମହାଦେବ, ହନୁମାନ ମନ୍ଦିର ସମେତ ବିଭିନ୍ନ ମନ୍ଦିରରେ ପୂଜାର୍ଚ୍ଚନା ଓ ଦୀପ ପ୍ରଜ୍ୱଳନ କରାଯାଇଥିଲା।
ଏଥିସହ ଗୋପବନ୍ଧୁ ବୃଦ୍ଧାଶ୍ରମର ଅନ୍ତେବାସୀଙ୍କୁ ଖାଦ୍ୟ ବଣ୍ଟନ କରାଯିବା ସହ ବନଦୁର୍ଗା ମନ୍ଦିର ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ହୋଇଥିଲା। ୪୨ ମୌଜା ବୁଦ୍ଧିଜୀବୀ ନାଗରିକ ମଞ୍ଚ ପକ୍ଷରୁ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ଏହି ଅବସରରେ କଟକେଶ୍ୱର ମହାଦେବ, ଆଇଟଳଙ୍ଗ ସ୍ୱପ୍ନେଶ୍ୱର ମନ୍ଦିର, ପଟଣା ଜଗନ୍ନାଥ ମନ୍ଦିର, ତେଲସାହି କୁଣ୍ଡଳ ବୋଶଳୀ ଠାକୁରାଣୀ, ଟାଙ୍କଣା ମା’ ଜାଗୁଳାଇ, ବରୁଣାଇ ଓ ମା’ ବନଦୁର୍ଗାଙ୍କ ମନ୍ଦିରରେ ମଧ୍ୟ ପୂଜାର୍ଚ୍ଚନା କରାଯାଇଥିଲା।
ପୂର୍ବତନ ଅବସରପ୍ରାପ୍ତ ଶିକ୍ଷକ ପ୍ରଫୁଲ୍ଲ କୁମାର ମହାପାତ୍ର, ଅବସରପ୍ରାପ୍ତ ଶିକ୍ଷକ ଦେଶାକ କୁମାର ପତି, ଅଧ୍ୟାପକ ଖଲିକୁଜ ଜମାନ ଖାଁ, ଜ୍ୟୋତିରଞ୍ଜନ ଦାସ, ଶୁକଦେବ ନାୟକଙ୍କ ସମେତ ବହୁ ବ୍ୟକ୍ତି କାର୍ଯ୍ୟକ୍ରମରେ ଯୋଗଦେଇ ଡ. ମହତାବଙ୍କ ଦୀର୍ଘାୟୁ ଓ ସୁସ୍ଥ ଜୀବନ କାମନା କରିଥିଲେ।
କାର୍ଯ୍ୟକ୍ରମଟିକୁ ସନ୍ତୋଷ କୁମାର ପତି ଆୟୋଜନ କରିଥିବା ବେଳେ ବହୁ ସ୍ଥାନୀୟ ନାଗରିକ ଏଥିରେ ସାମିଲ ହୋଇଥିଲେ।
