ମେଲୋନିଙ୍କ ନୂଆ ରେକର୍ଡ, ଇଟାଲୀରେ ଦୀର୍ଘତମ ସମୟ ଧରି ପ୍ରଧାନମନ୍ତ୍ରୀ
ନୂଆଦିଲ୍ଲୀ: ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି ନୂଆ ରେକର୍ଡ ସୃଷ୍ଟି କରିଛନ୍ତି। ମେଲୋନିଙ୍କ ନେତୃତ୍ୱାଧୀନ ସରକାର ୧୪୧୩ ଦିନ ପୂରଣ କରିଛି। ଏହା ୨୦୦୦ ଦଶକରେ ସିଲଭିଓ ବର୍ଲୁସ୍କୋନିଙ୍କ ଦ୍ୱିତୀୟ କାର୍ଯ୍ୟକାଳଠାରୁ ଗୋଟିଏ ଦିନ ଅଧିକ।
ଇଟାଲୀରେ ସରକାର ବଦଳିବା ସାଧାରଣ ଘଟଣା ହୋଇଥିବା ବେଳେ ମେଲୋନିଙ୍କ ଏତେ ଦିନ ଧରି ଶାସନରେ ରହିବାକୁ ଏକ ବଡ଼ ରାଜନୈତିକ ସଫଳତା ଭାବେ ଦେଖାଯାଉଛି। ତାଙ୍କ ସରକାରର ୪ ବର୍ଷର କାର୍ଯ୍ୟକାଳ ପୂରଣ ହେବାକୁ ଏବେ ପ୍ରାୟ ୭ ମାସ ବାକି ରହିଛି।
ମେଲୋନିଙ୍କ ଏହି ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି। ସୋସିଆଲ ମିଡିଆ ପୋଷ୍ଟରେ ମୋଦୀ କହିଛନ୍ତି ଯେ, ଇଟାଲୀବାସୀଙ୍କ ତାଙ୍କ ନେତୃତ୍ୱ ପ୍ରତି ବିଶ୍ୱାସର ଏହା ପ୍ରତିଫଳନ।
ଭାରତ-ଇଟାଲୀ ମଧ୍ୟରେ ରଣନୈତିକ ସମ୍ପର୍କ ମଧ୍ୟ ମଜବୁତ ହୋଇଛି। ଦୁଇ ଦେଶର ସମୃଦ୍ଧ ଭବିଷ୍ୟତ ପାଇଁ ମେଲୋନିଙ୍କ ସହ ମିଶି କାମ କରିବାକୁ ଭାରତ ଆଗ୍ରହୀ ବୋଲି କୁହାଯାଇଛି।
