ବେତନଟୀ ବ୍ଳକ ବୈଶିଙ୍ଗା ଥାନା ଅଞ୍ଚଳର ୧୫ବର୍ଷୀୟା ଦିବ୍ୟାଙ୍ଗ ଯୁବତୀଙ୍କୁ ବଳପୂର୍ବକ ହାତମୁହଁରେ କପଡା ବାନ୍ଧି ଦୁଷ୍କର୍ମ କରିବା ଘଟଣାରେ ଅଭିଯୁକ୍ତ ପଡୋଶୀ ଘର ଯୁବକକୁ ଗତକାଲି ଗିରଫ କରିଥିବାବେଳେ ବୈଶିଙ୍ଗା ପୁଲିସ ବୁଧବାର କୋର୍ଟ ଚାଲାଣ କରିଛି
ବୈଶିଙ୍ଗା/ଭୁବନେଶ୍ୱର ୦୬-୧୧-୨୦୨୪(ପିପିଏସ) : ବେତନଟୀ ବ୍ଳକ ବୈଶିଙ୍ଗା ଥାନା ଅଞ୍ଚଳର ୧୫ବର୍ଷୀୟା ଦିବ୍ୟାଙ୍ଗ ଯୁବତୀଙ୍କୁ ବଳପୂର୍ବକ ହାତମୁହଁରେ କପଡା ବାନ୍ଧି ଦୁଷ୍କର୍ମ କରିବା ଘଟଣାରେ ଅଭିଯୁକ୍ତ ପଡୋଶୀ ଘର ଯୁବକକୁ ଗତକାଲି ଗିରଫ କରିଥିବାବେଳେ ବୈଶିଙ୍ଗା ପୁଲିସ ବୁଧବାର କୋର୍ଟ ଚାଲାଣ କରିଛି । ସୂଚନା ମୁତାବକ ଘରେ କେହି ନ ଥିବାର ସୁଯୋଗ ନେଇ ସୋମବାର ପଡୋଶୀ ଅଭିଯୁକ୍ତ ଅସିତ ବେହେରା (୨୨) ଦିବ୍ୟାଙ୍ଗ ଯୁବତୀଙ୍କୁ ରାସ୍ତାରୁ ଟେକିନେଇ ମୁହଁ ହାତ ବାନ୍ଧି ବଳପୂର୍ବକ ନିଜ ବାସଗୃହରେ କବାଟ କିଳି ଦୁଷ୍କର୍ମ କରିଥିଲା । ଗ୍ରାମବାସୀଙ୍କ ଦ୍ଵାରା କବାଟ ଭାଙ୍ଗି ପୀଡିତାକୁ ଉଦ୍ଧାର କରାଯାଇଥିବାବେଳେ ଅଭିଯୁକ୍ତ ଚମ୍ପଟ ମାରିଥିଲା।ପରେ ଘଟଣାର ୧୨ଘଣ୍ଟା ନପୂରୁଣୁ ସ୍ଥାନୀୟ ଯୁବକ ଓ ଥାନା ଅଧିକାରୀ ତପନ ପ୍ରଧାନ ମିଶି କୌଶଳକ୍ରମେ ଅଭିଯୁକ୍ତକୁ ସ୍ଥାନୀୟ ଗୋରୁ ହାଟ ନିକଟରୁ ଗିରଫ କରିଥିଲେ ।ଏନେଇ ପୀଡିତାଙ୍କ ମା ବୈଶିଙ୍ଗା ଥାନାରେ ଲିଖିତ ଅଭିଯୋଗ କରିଥିଲେ । ବୁଧବାର ଦିନ ଏନେଇ ୩୯୫ /୨୪ରେ ହୋଇଥିବା ମାମଲା ରୁଜୁ କରିବା ସହିତ ଉଭୟ ପୀଡିତା ଓ ଅଭିଯୁକ୍ତ ଅସିତର ଡାକ୍ତରୀ ମାଇନା କରାଯାଇ ବାରିପଦା ସ୍ଥିତ ପୋକ୍ସ କୋର୍ଟକୁ ଚାଲାଣ କରାଯାଇଥିଲା। ସେଠାରେ ଅଭିଯୁକ୍ତର ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଜଣାଯାଇଛି।
