ମୋଦୀ–ବେଲଜିୟମ ପ୍ରଧାନମନ୍ତ୍ରୀଙ୍କ ଆଲୋଚନା: ଭାରତର ୭.୮% ଅର୍ଥନୈତିକ ଅଭିବୃଦ୍ଧିକୁ ପ୍ରଶଂସା
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ବେଲଜିୟମ ପ୍ରଧାନମନ୍ତ୍ରୀ ବାର୍ଟ ଡି ଓ୍ୱେଭରଙ୍କ ସହ ବ୍ୟାପକ ଆଲୋଚନା କରିଛନ୍ତି। ଆଲୋଚନା ସମୟରେ ଭାରତର ସଦ୍ୟ ପ୍ରକାଶିତ ୭.୮% ତ୍ରୈମାସିକ ଅର୍ଥନୈତିକ ଅଭିବୃଦ୍ଧିକୁ ଉଲ୍ଲେଖ କରି ମୋଦୀ କହିଛନ୍ତି ଯେ, ବିଶ୍ୱରେ ଅନିଶ୍ଚିତତା ଓ ବିଭିନ୍ନ ଆହ୍ୱାନ ସତ୍ତ୍ୱେ ଭାରତୀୟ ଅର୍ଥନୀତି ନିଜ ଗତି ବଜାୟ ରଖିଛି।
ମୋଦୀ କହିଛନ୍ତି, ବିଶ୍ୱ ଅନିଶ୍ଚିତତା, ଦ୍ୱନ୍ଦ୍ୱ ଏବଂ ଖାଦ୍ୟ, ଇନ୍ଧନ ଓ ଯୋଗାଣ ଶୃଙ୍ଖଳାରେ ବାଧା ମଧ୍ୟରେ ଭାରତର ଅର୍ଥନୈତିକ ଅଭିବୃଦ୍ଧି ଦେଶକୁ ଆତ୍ମବିଶ୍ୱାସ ଦେବା ସହ ନୂଆ ସୁଯୋଗର ଦ୍ୱାର ଖୋଲୁଛି।
ବେଲଜିୟମ ସହ ବାଣିଜ୍ୟ, ପ୍ରତିରକ୍ଷା, ଗୁରୁତ୍ୱପୂର୍ଣ୍ଣ ଖଣିଜ, ସ୍ୱଚ୍ଛ ଶକ୍ତି ଏବଂ ଉଦୀୟମାନ ପ୍ରଯୁକ୍ତି କ୍ଷେତ୍ରରେ ସହଯୋଗ ବଢ଼ାଇବା ନେଇ ମଧ୍ୟ ଆଲୋଚନା ହୋଇଛି।
ପ୍ରତିରକ୍ଷା ଓ ସୁରକ୍ଷା ସହଯୋଗକୁ ଦ୍ୱିପାକ୍ଷିକ ସମ୍ପର୍କର ‘ମୁଖ୍ୟ ସ୍ତମ୍ଭ’ ଭାବେ ବର୍ଣ୍ଣନା କରି ମୋଦୀ କହିଛନ୍ତି ଯେ, ଦୁଇ ଦେଶ ସାମରିକ ଆଦାନ-ପ୍ରଦାନ ଏବଂ ପ୍ରଶିକ୍ଷଣ ବୃଦ୍ଧି କରିବାକୁ ଆଗ୍ରହୀ। ଏଥିସହ ସରକାର ଓ ପ୍ରତିରକ୍ଷା ଶିଳ୍ପ ମଧ୍ୟରେ ଚୁକ୍ତିନାମା ମାଧ୍ୟମରେ ପ୍ରତିରକ୍ଷା ସହ-ବିକାଶ ଓ ସହ-ଉତ୍ପାଦନ ପାଇଁ ସୁଯୋଗ ସୃଷ୍ଟି କରିବା ଉପରେ ଜୋର ଦିଆଯାଇଛି।
ଆସନ୍ତା ୫ ବର୍ଷରେ ଭାରତ–ବେଲଜିୟମ ଦ୍ୱିପାକ୍ଷିକ ବାଣିଜ୍ୟକୁ ଦ୍ୱିଗୁଣିତ କରିବା ଦିଗରେ ଦୁଇ ଦେଶ କାମ କରିବାକୁ ସହମତ ହୋଇଥିବା ଜଣାପଡ଼ିଛି।
