ପ୍ରତିବର୍ଷ ନିର୍ଦ୍ଦିଷ୍ଟ ସମୟରେ ଅଗ୍ନିକାଣ୍ଡ, ଜଗାରଖା କଡା କରିବାକୁ ଦାବୀ।
କୋଣାର୍କ(ପି ପି ଏସ):-କୋଣାର୍କ- ପୁରୀ ବେଳାମାର୍ଗ ଚନ୍ଦ୍ରଭାଗା ଫିସାରି ନିକଟ ଥିବା ବାଲୁଖଣ୍ଡ ଅଭୟାରଣ୍ୟ ଜଙ୍ଗଲରେ ଗୁରୁବାର ପୂର୍ବାହ୍ନରେ ଅଗ୍ନିକାଣ୍ଡ ଘଟି ପ୍ରାୟ ଏକରେ ଜଙ୍ଗଲ ପୋଡ଼ି ଯାଇଥିବା ଜଣାପଡିଛି। ଅଗ୍ନିକାଣ୍ଡ ଖବର ଚମ୍ପାହାର ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହ ଏକ ବଡ଼ ବିର୍ପଯୟରୁ ଜଙ୍ଗଲକୁ ରକ୍ଷା କରିଥିଲେ।ଏଠାରେ ସୂଚନା ଥାଇପାରେକି ପ୍ରତିବର୍ଷ ନିର୍ଦ୍ଦିଷ୍ଟ ସମୟରେ ଅଭୟାରଣ୍ୟରେ ଅଗ୍ନିକାଣ୍ଡ ଘଟି ବ୍ୟାପକ ଜୀବନ୍ତ ଗଛ ପୋଡ଼ି ନଷ୍ଟ ହେଇଛି।ଜଙ୍ଗଲର ସୁରକ୍ଷା ଦାୟିତ୍ବରେ ବନ ବିଭାଗ କର୍ମଚାରୀଙ୍କ ସମେତ ଗ୍ରାମବାସୀ ମାନେ ସୁରକ୍ଷା କମିଟି କରି ସୁରକ୍ଷା କରୁଥିବା ବେଳେ ପ୍ରତିବର୍ଷ ଜଙ୍ଗଲରେ ନିଆଁ ଲାଗି ବ୍ୟାପକ କ୍ଷତି ହେଉଛି। ବାରମ୍ବାର ଜଙ୍ଗଲରେ ଅଗ୍ନିକାଣ୍ଡ ଘଟଣାକୁ ନେଇ ପରିବେଶବିତ୍ ମାନେ ଚିନ୍ତା ପ୍ରକଟ କରିବା ସହ ଏହି ବିପଦରୁ ଜଙ୍ଗଲ ସମ୍ପଦକୁ ରକ୍ଷାକରିବା ପାଇଁ ଜଗାରଖା ନିୟମକୁ କଡ଼ାକଡି କରିବାକୁ ଦାବୀ ପ୍ରକାଶ କରିଅଛନ୍ତି।
