ଧାମନଗର (ପି ପି ଏସ) ଏପ୍ରିଲ ଦୁଇ ତାରିଖ ବୁଧବାର ଧାମନଗର ଓକିଲ ସଂଘ ଗୃହରେ ନବ ନିର୍ବାଚିତ ପ୍ରତିନିଧିଙ୍କ ଶପଥ ଗ୍ରହଣ ଉତ୍ସବ ପୂର୍ବତନ ସମ୍ପାଦକ ଅମରେନ୍ଦ୍ର ମହାନ୍ତିଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି ।ପ୍ରଥମେ ନବ ନିର୍ବାଚିତ ପ୍ରତିନିଧି ମାନଙ୍କୁ ପୁଷ୍ପଗୁଚ୍ଛ ସହ ଉତ୍ତରୀୟ ଦେଇ ସମ୍ଵର୍ଦ୍ଧିତ କରାଯାଇଥିଲା।ଓକିଲ ସଂଘର ନିର୍ବାଚନ ଅଧିକାରୀ ନିରାକାର ଜେନା ସଭାପତି ଭାବେ ଅଶୋକ କୁମାର ଦାସ,ଉପସଭାପତି ଭାବେ ପ୍ରଜ୍ଞା ପାରମିତା ଦାଶ, ସାଧାରଣ ସମ୍ପାଦକ ଭାବେ ରଞ୍ଜିତ କୁମାର ମହାନ୍ତି, ସହ ସମ୍ପାଦକ ଭାବେ ମୀନତି ମଲ୍ଲିକ,କୋଷାଧ୍ଯକ୍ଷ ଭାବେ ପର୍ଶୁରାମ ମହାପାତ୍ର ଓ କାର୍ଯ୍ୟକାରୀ ସଭ୍ଯ ଭାବେ ମନୋଜ କୁମାର ଗୁପ୍ତା ଓ ଶାନ୍ତ୍ଵନୁ ଦାଶଙ୍କୁ ଶପଥ ପାଠ କରାଇଥିଲେ। ଏହି ଅବସରରେ ଶପଥ ଗ୍ରହଣ ଉତ୍ସବରେ ସଭାପତିତ୍ବ କରିଥିବା ପୂର୍ବତନ ସମ୍ପାଦକ ଶ୍ରୀ ମହାନ୍ତିଙ୍କୁ ସଂଘ ପକ୍ଷରୁ ପୁଷ୍ପଗୁଛ ଓ ଉତ୍ତରୀୟ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇ ଥିଲା।ପରେ ନୂତନ କାର୍ଯ୍ୟକର୍ତ୍ତା ମାନେ ଦାୟିତ୍ଵ ଗ୍ରହଣ କରିଥିଲେ। ଦାୟିତ୍ଵ ଗ୍ରହଣ ପରେ ନୂତନ ସଭାପତି ଓ ସମ୍ପାଦକ ଆଗାମୀ ଦିନରେ ଉତ୍କଳ ଗୌରବ ମଧୁସୂଦନ ଦାସଙ୍କ ପ୍ରତିମୂର୍ତ୍ତି କୋର୍ଟ ପରିସରରେ କିପରି ପ୍ରତିଷ୍ଠା ହୋଇପାରିବ ଓ ଧାମନଗର କୋର୍ଟ ପରିସରରେ ବରିଷ୍ଠ ଦେୱାନୀ ଅଦାଲତ ପ୍ରତିଷ୍ଠା ପାଇଁ ସଦା ଚେଷ୍ଟିତ ରହିବେ ବୋଲି ନିଜ ନିଜ ପ୍ରତିକ୍ରିୟାରେ ପ୍ରକାଶ କରିଥିଲେ। ଶେଷରେ ଆଇନଜୀବୀ ବିଜୟ କୁମାର ରାମ କାର୍ଯ୍ୟକ୍ରମର ଶେଷ ସ୍ପର୍ଶ ପ୍ରଦାନ ପୂର୍ବକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
