ରାସନ ଡିଲରଙ୍କ ବକେୟା କୋଭିଡ୍ ଦେୟ କେବେ ମିଳିବ ସେ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ବିଧାନସଭାରେ କହିଛନ୍ତି ଯେ, ଡିଲରଙ୍କୁ ଦେୟ ଦେବା ପାଇଁ ରାଜ୍ୟ ସରକାର ଆବଶ୍ୟକ ପଦକ୍ଷେପ ନେଉଛନ୍ତି
ଭୁବନେଶ୍ୱର ୧୨-୦୩-୨୦୨୫ (ପିପିଏସ ) : ରାସନ ଡିଲରଙ୍କ ବକେୟା କୋଭିଡ୍ ଦେୟ କେବେ ମିଳିବ ସେ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ବିଧାନସଭାରେ କହିଛନ୍ତି ଯେ, ଡିଲରଙ୍କୁ ଦେୟ ଦେବା ପାଇଁ ରାଜ୍ୟ ସରକାରବିଭାଗରୁ ବିଚାରାଧୀନ ଡିଲରଙ୍କ ମାର୍ଜିନ୍ ଗ୍ରହଣ କରିବା ପାଇଁ ଆବଶ୍ୟକ ପଦକ୍ଷେପ ନେଉଛନ୍ତି।ଏକ ତାରକାଙ୍କିତ ପ୍ରଶ୍ନରେ କଟକ ବାରବାଟୀ ବିଧାୟକ ସୋଫିଆ ଫିରଦୋସ ଜାଶିବାକୁ ଚାହିଁଥିଲେ, କେନ୍ଦ୍ର ସରକାରଙ୍କଠାରୁ ରାସନ ଡିଲରଙ୍କ ପାଇଁ କୋଭିଡ୍ ଦେୟ କେବେ ସୁଦ୍ଧା ମୁକ୍ତ କରାଯିବ, ଏବଂ ବିଳମ୍ବର କାରଣ କ’ଣ? ହିତାଧିକାରୀଙ୍କ ପାଇଁ ସୁଗମ ପହଞ୍ଚ ସୁନିଶ୍ଚିତ କରିବା ପାଇଁ ପିଡିଏସ୍ ସିଷ୍ଟମରେ ସଫ୍ଟୱେର୍ ସମସ୍ୟା ଏବଂ ଇ-କେୱାଇସି ସମୟରେ ସମ୍ମୁଖୀନ ହେଉଥିବା ସମସ୍ୟା କେବେ ସୁଦ୍ଧା ସମାଧାନ କରାଯିବ?ଏହାର ଉତ୍ତରରେ କୃଷ୍ଣ ଚନ୍ଦ୍ର ପାତ୍ର କହିଛନ୍ତି, କୋଭିଡ୍ ସମୟରେ, ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା ଅଧୀନରେ ୨୨ ମାସ ପାଇଁ ଚାଉଳ ବଣ୍ଟନ ପାଇଁ ଡିଲରଙ୍କ ମାର୍ଜିନ୍ ପୂର୍ବରୁ ସମ୍ପୃକ୍ତ ଡିଲରଙ୍କ ପଞ୍ଜିକୃତ ବ୍ୟାଙ୍କ ଆକାଉଣ୍ଟକୁ ସ୍ଥାନାନ୍ତରିତ କରାଯାଇଛି। ଡିଲରଙ୍କୁ ଦେୟ ଦେବା ପାଇଁ ରାଜ୍ୟ ସରକାର ବିଭାଗରୁ ବିଚାରାଧୀନ ଡିଲରଙ୍କ ମାର୍ଜିନ୍ ଗ୍ରହଣ କରିବା ପାଇଁ ଆବଶ୍ୟକ ପଦକ୍ଷେପ ନେଉଛନ୍ତି।ହିତାଧିକାରୀଙ୍କ ଇ-କେୱାଇସି ସମୟରେ ଆଧାର ଗେଟୱେରେ ଥିବା ସଫ୍ଟୱେର୍ ସମସ୍ୟାଗୁଡ଼ିକର ସମାଧାନ କରାଯାଇଛି। ଯଦି କୌଣସି ତ୍ରୁଟି ଦେଖିବାକୁ ମିଳୁଛି ତେବେ ଏହାର ତୁରନ୍ତ ସମାଧାନ କରାଯାଉଛି ବୋଲି ମନ୍ତ୍ରୀ କହିଛନ୍ତି।
