ନୂଆ ବାଦୁଡ଼ି କରୋନା ଭାଇରସ୍ ନେଇ ଏକ ଅପଡେଟ୍ ଆସିଛି। ଏହା ଚୀନ୍ରେ ଆବିଷ୍କୃତ ହୋଇଛି। ଚୀନ୍ ଗବେଷକଙ୍କ ଏକ ଦଳ ଏହି ଭାଇରସ୍ର ନାମ ଏଚକେୟୁ-୫-କୋଭ୍-୨ ରଖିଛନ୍ତି। ସାଉଥ୍ ଚାଇନା ମର୍ଣ୍ଣିଂ ପୋଷ୍ଟ ଅନୁଯାୟୀ, ଏହି ନୂତନ କରୋନା ଭାଇରସ ସାର୍ସ-କୋଭ୍-୨ ପରି ମଣିଷରୁ ମଣିଷକୁ ବ୍ୟାପିବାକୁ ସକ୍ଷମ
ନୂଆଦିଲ୍ଲୀ/ଭୁବନେଶ୍ୱର ୨୨-୦୨-୨୦୨୫(ପିପିଏସ) : କୋଭିଡ୍-୧୯ ସାରା ବିଶ୍ୱରେ ଏପରି ତାଣ୍ଡବ ସୃଷ୍ଟି କରିଥିଲା ଯେ, ଅନେକ ଦେଶ ଆଜି ପର୍ଯ୍ୟନ୍ତ ଏଥିରୁ ମୁକୁଳି ପାରିନାହାନ୍ତି। ଦେଶର ଅର୍ଥନୀତି ଏତେ କ୍ଷତିଗ୍ରସ୍ତ ହୋଇଥିଲା ଯେ, ଏହାକୁ ପୁଣିଥରେ ଟ୍ରାକକୁ ଫେରିବା ପାଇଁ କିଛି ବର୍ଷ ଲାଗିଗଲା। ଏହି ସମୟରେ, ଏବେ ଖବର ଆସୁଛି ଯେ୍ ଚୀନ୍ରେ ଏକ ନୂତନ ବାଦୁଡ଼ି କରୋନାଭାଇରସ୍ ମିଳିଛି, ଯାହା ମଣିଷକୁ ସଂକ୍ରମିତ କରିପାରେ।ପ୍ରସିଦ୍ଧ ଭାଇରୋଲୋଜିଷ୍ଟ ଶି ଝେଙ୍ଗଲିଙ୍କ ନେତୃତ୍ୱରେ ଏହି ଗବେଷଣା କରାଯାଇଥିଲା। ଏହା ଉଲ୍ଲେଖନୀୟ ଯେ, ଏହି ଅଧ୍ୟୟନର ନେତୃତ୍ୱ ପ୍ରଖ୍ୟାତ ଭାଇରୋଲୋଜିଷ୍ଟ ଶି ଝେଙ୍ଗଲି ନେଇଥିଲେ, ଯିଏ ବାଦୁଡ଼ି କରୋନାଭାଇରସ୍ ଉପରେ ତାଙ୍କର ବ୍ୟାପକ ଗବେଷଣା ଯୋଗୁ “ବ୍ୟାଟ୍ଓମ୍ୟାନ୍” ଭାବରେ ଜଣାଶୁଣା। ଗ୍ୱାଙ୍ଗଝୁ ଲାବୋରେଟୋରୀ, ଗ୍ୱାଙ୍ଗଝୁ ଏକାଡେମୀ ଅଫ୍ ସାଇନ୍ସେସ୍, ଉହାନ ବିଶ୍ୱବିଦ୍ୟାଳୟ ଏବଂ ଉହାନ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜିର ବୈଜ୍ଞାନିକମାନେ ଏହି ଗବେଷଣାରେ ଅଂଶଗ୍ରହଣ କରିଥିଲେ।ବୈଜ୍ଞାନିକମାନେ ସତର୍କ କରାଇ ଦେଇଛନ୍ତି, ଚୀନ୍ରେ ମିଳିଥିବା ନୂତନ ଏଚକେୟଚଏସ-୫ ଭାଇରସ ହେଉଛି କରୋନା ଭାଇରସର ଏକ ନୂତନ ବଂଶ ଯାହା ପ୍ରାରମ୍ଭରେ ହଂକଂରେ ଜାପାନୀ ପିପିଷ୍ଟ୍ରେଲ୍ ବାଦୁଡ଼ିରେ ଚିହ୍ନଟ ହୋଇଥିଲା। ବୈଜ୍ଞାନିକମାନେ ଚେତାବନୀ ଦେଇଛନ୍ତି ଯେ, ବାଦୁଡ଼ିମାନେ ସିଧାସଳଖ ସଂକ୍ରମଣ ମାଧ୍ୟମରେ କିମ୍ବା ମଧ୍ୟବର୍ତ୍ତୀ ବାହକଙ୍କ ଦ୍ୱାରା ମଣିଷଙ୍କ ମଧ୍ୟରେ ମେର୍ବେକୋଭାଇରସ୍ ବ୍ୟାପିବାର ବିପଦ ସୃଷ୍ଟି କରିଥାନ୍ତି।
ଏପର୍ଯ୍ୟନ୍ତ କୋଭିଡର ପ୍ରମୁଖ ଭାରିଆଣ୍ଟ୍:
ଆଲଫା(ବି.୧.୧.୭)
ବିଟା(ବି.ବ.୩୫୧)
ଗାମା(ପି.୧)
ଡେଲ୍ଟା(ବ.୧.୬୧୭.୨)
ଓମିକ୍ରନ(ବି.୧.୫୨୯) ଏବଂ ଏହାର ସବ୍ ଭାରିଆଣ୍ଟ୍ ଯେପରିକି ବିଏ.୨, ବିଏ.୫ ଏବଂ ଏକ୍ସବିବି
କୋଭିଡ୍-୧୯ ପରି ଏହି ସଂକ୍ରମଣକୁ ଏଡାଇବା ପାଇଁ, ସର୍ବଦା ହ୍ୟାଣ୍ଡ ସାନିଟାଇଜର ବ୍ୟବହାର କରିବା ଜରୁରୀ। ଅତି କମରେ ୩୦ ସେକେଣ୍ଡ ପାଇଁ ସାବୁନ ଏବଂ ପାଣିରେ ହାତ ଧୋଇବାକୁ ପଡ଼ିବ।ସାର୍ବଜନୀନ ସ୍ଥାନ କିମ୍ବା ଭିଡ଼ ସ୍ଥାନକୁ ଯିବା ସମୟରେ ମାସ୍କ ପିନ୍ଧିବା ଜରୁରୀ ଅନ୍ୟ ଲୋକଙ୍କଠାରୁ ଶାରୀରିକ ଦୂରତା ବଜାୟ ରଖିବା ଆବଶ୍ୟକ।
