ସାଂସଦଙ୍କ ବିଭିନ୍ନ କାର୍ଯ୍ୟକର୍ମରେ ଅଂଶଗ୍ରହଣ
କଟକ ୨୯-୦୧-୨୦୨୫(ପିପିଏସ ) : କଟକ ନୟାସଡ଼କସ୍ଥିତ ଇମର୍ତ୍ତୀଦେବୀ ମହିଳା ମହାବିଦ୍ୟାଳୟର ଅଧ୍ୟକ୍ଷା ଡ଼କ୍ଟର ସାଗରିକା ମହାନ୍ତିଙ୍କ ପୌରୋହିତ୍ୟରେ ବାର୍ଷିକ ଉତ୍ସବ ପାଳିତ ହୋଇଯାଇଅଛି । ଏହି ଉତ୍ସବରେ ସାଂସଦ ଭର୍ତ୍ତୃହରି ମହତାବ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ । କଲେଜର ଅଧ୍ୟକ୍ଷା ସ୍ୱାଗତ ଭାଷଣ ପ୍ରଦାନ କରିଥିଲେ । ୟୁନିୟନର ସହ-ଉପଦେଷ୍ଟା ଡ଼କ୍ଟର ପ୍ରମୋଦିନୀ ସାହୁ ଅତିଥି ପରିଚୟ ପ୍ରଦାନ କରିଥିଲେ । କଟକ ନେତାଜୀ ସୁବାଷ ମେମୋରିଆଲ ସିଟି କଲେଜର ପୂର୍ବତନ ଅଧ୍ୟକ୍ଷ ଡ଼କ୍ଟର ସରୋଜ ଦେଓଭଞ୍ଜ ମୁଖ୍ୟବକ୍ତା ରୂପେ ଯୋଗ ଦେଇଥିଲେ । ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶ୍ରୀଯୁକ୍ତ ନୟନ କିଶୋର ମହାନ୍ତି, କଟକ ମହାନଗର ନାଗରିକ ମହାସଭାର ସଭାପତି ଡ଼ାକ୍ତର ରବି ରଞ୍ଜନ ସାହୁ ଓ ସଂଗୀତ ଜଗତର ଶାସ୍ତ୍ରୀୟ ସଂଗୀତ ଗାୟିକା ବନ୍ଦିତା ରାୟ ସମ୍ମାନୀତ ଅତିଥି ରୂପେ ଯୋଗ ଦେଇଥିଲେ । ଉପଦେଷ୍ଟା ଦର୍ଶନଶାସ୍ତ୍ର ବିଭାଗର ବିଭାଗ ମୁଖ୍ୟ ଶ୍ରୀମତୀ ଜୟନ୍ତୀ ତ୍ରିପାଠୀ ବାର୍ଷିକ ବିବରଣୀ ପାଠ କରିଥିଲେ । ସହ-ଉପଦେଷ୍ଟା ଶ୍ରୀମତୀ ନିବେଦିତା ମହାନ୍ତି, ଡ଼କ୍ଟର ପ୍ରମୋଦିନୀ ସାହୁ, ଶ୍ରୀମତୀ ଧରାଶ୍ରୀ ପଟ୍ଟନାୟକ ତଥା ନାଟ୍ୟ ସଂସଦର ସହ-ଉପସଭାପତି ଡ଼କ୍ଟର ପ୍ରଜ୍ଞାଶ୍ରୀ ଆଚାର୍ଯ୍ୟ, ଶ୍ରୀମତୀ ଅପରାଜିତା ମହାନ୍ତି, ଶ୍ରୀମତୀ ପ୍ରଭାତ ନଳିନୀ ମିଶ୍ର ଓ ତ୍ରୀବେଣୀ ଭୋଳ, ମଧୁସ୍ମିତା ଦାଶ, ରୁକ୍ସାର ନସିମ୍ ଏହି କାର୍ଯ୍ୟକ୍ରମରେ ସହଯୋଗିତା କରିଥିଲେ । ଆମନ୍ତ୍ରିତ ଅତିଥିମାନଙ୍କ ଦ୍ୱାରା ବିଭିନ୍ନ ବିଷୟରେ ସମ୍ମାନ ବିଭାଗର ସର୍ବୋଚ୍ଚ ଅଙ୍କ ପ୍ରାପ୍ତ ଛାତ୍ରୀମାନଙ୍କୁ ତଥା ସାଂସ୍କୃତିକ ଓ ସାହିତ୍ୟିକ ପ୍ରତିଯୋଗିତାରେ ବିଜୟୀ ଛାତ୍ରୀମାନଙ୍କୁ ପୁରସ୍କାର ବିତରଣ କରାଯାଇଥିଲା । ଏହି କାର୍ଯ୍ୟକ୍ରମରେ କଲେଜର ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଓ ଛାତ୍ରୀମାନେ ଉପସ୍ଥିତ ଥିଲେ । ସୁମଲୁ ମିତ୍ର ଧନ୍ୟବାଦ ଅର୍ପଣ କରିଥିଲେ । ଶେଷରେ ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।
