କୋଲକାତା/ଭୁବନେଶ୍ୱର,୧୭-୦୯-୨୦୨୪(ପିପିଏସ) : ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ସୋମବାର ଘୋଷଣା କରିଛନ୍ତି ଯେ ସେ ଆନ୍ଦୋଳନରତ ଡାକ୍ତରମାନଙ୍କ କଥା ମାନିବାକୁ ରାଜି। କୋଲକାତା ପୁଲିସ କମିସନର ଭିନିତ୍ ଗୋୟଲଙ୍କୁ ତାଙ୍କ ପଦରୁ ହଟାଇ ଦିଆଯିବ ବୋଲି ମମତା ସ୍ପଷ୍ଟ କରିଛନ୍ତି। କୋଲକାତାର ଏକ ଡାକ୍ତରଖାନାରେ ଟ୍ରେନି ଡାକ୍ତରଙ୍କ ମୃତ୍ୟୁକୁ ବିରୋଧ କରୁଥିବା ଡାକ୍ତରଙ୍କ ସହ ଏକ ୬ ଘଣ୍ଟିଆ ବୈଠକ ପରେ ସେ ଏହି ନିଷ୍ପତ୍ତି ନେଇଛନ୍ତି ସେ।
କୋଲକାତା ପୁଲିସର ଡେପୁଟି କମିସନରଙ୍କ ବିରୋଧରେ ପୀଡିତାଙ୍କ ପରିବାର ଲୋକ ଅଭିଯୋଗ ଆଣିଥିବାରୁ ତାଙ୍କୁ ମଧ୍ୟ ହଟାଇ ଦିଆଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ବାନାର୍ଜୀ ଆହୁରି କହିଛନ୍ତି ଯେ ଆନ୍ଦୋଳନରତ ଡାକ୍ତରଙ୍କ ଦ୍ୱାରା କରାଯାଇଥିବା ଚାରୋଟି ଦାବିକୁ ସରକାର ଗ୍ରହଣ କରିଛନ୍ତି ଏବଂ ସେଥିମଧ୍ୟରୁ ଗୋଟିଏ ଦାବି ଥିଲା ପୂରା ହୋଇସାରିଛି। ଯାହାକୁ ଦୁଷ୍କର୍ମ ଓ ହତ୍ୟା ପୀଡ଼ିତାଙ୍କ ମାମଲାର ସିବିଆଇ ତଦନ୍ତ। ମାମଲାର ସିବିଆଇ ତଦନ୍ତ ଆରମ୍ଭ ହୋଇସାରିଛି ବୋଲି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ କହିଛନ୍ତି।
ତେବେ କୋଲକାତା ପୁଲିସ କମିସନରଙ୍କୁ ବହିଷ୍କାର କରାଯିବ ବୋଲି ଘୋଷଣା ହେବା ପରେ ଡାକ୍ତରମାନେ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଦେଇଥିବା ପ୍ରତିଶ୍ରୁତି ପୂରଣ ନହେବା ପର୍ଯ୍ୟନ୍ତ ସେମାନଙ୍କ ବିରୋଧ ଜାରି ରହିବ। ଏବେ ବି ସେମାନଙ୍କର ସମସ୍ତ ଦାବି ପୂରଣ ହୋଇ ନାହିଁ ବୋଲି ସେମାନେ ପ୍ରକାଶ କରିଛନ୍ତି।
ଡାକ୍ତରଙ୍କ ସହ ବୈଠକ ପରେ ଗଣମାଧ୍ୟମକୁ ସମ୍ବୋଧିତ କରି ବାନାର୍ଜୀ କହିଛନ୍ତି, “ଜୁନିଅର ଡାକ୍ତରଙ୍କ ଦାବିକୁ ଦୃଷ୍ଟିରେ ରଖି କୋଲକାତା ପୁଲିସ କମିସନର ଭିନିତ୍ କୁମାର ଗୋୟଲ କହିଛନ୍ତି ଯେ ସେ ଇସ୍ତଫା ଦେବାକୁ ପ୍ରସ୍ତୁତ। ଅପରାହ୍ନ ୪ଟାରେ ଭିନିତ୍ ତାଙ୍କ ଦାୟିତ୍ବ ହସ୍ତାନ୍ତର କରିବେ।
