ଭୁବନେଶ୍ୱର,୨-୯-୨୪(ପିପିଏସ) : ଭୁବନେଶ୍ୱର ସହର ଉପକଣ୍ଠ ନନ୍ଦନକାନନ ପ୍ରାଣୀ ଉଦ୍ୟାନକୁ ଆସିଲେ ନୂଆ ସଦସ୍ୟ । କୋଲକାତା ଆଲିପୁର ଚିଡ଼ିଆଖାନାରୁ ଅଣାଯାଇଛି ଦୁଇଟି ଜିରାଫ୍। ଦେଢ଼ ବର୍ଷର ପୁରୁଷ ଓ ବର୍ଷେ ୧ ମାସର ମାଈ ଜିରାଫ ଗତକାଲି ରାତିରେ ନନ୍ଦନକାନନରେ ଆସି ପହଞ୍ଚିଛନ୍ତି। ଏହି ଦୁଇ ଜିରାଫ୍ ଆସିବା ପରେ ନନ୍ଦନକାନନରେ ଜିରାଫ୍ ସଂଖ୍ୟା ୩କୁ ବୃଦ୍ଧି ପାଇଛି ।
ଆଲିପୁର ଚିଡ଼ିଆଖାନାରୁ ଗତ ୩୧ ତାରିଖ ରାତିରେ ଜିରାଫକୁ ନେଇ ବାହାରିଥିବା ସ୍ୱତନ୍ତ୍ର କଣ୍ଟେନର୍ ୨୫ ଘଣ୍ଟାର ଅପରେସନ୍ ପରେ ନନ୍ଦନକାନନରେ ପହଞ୍ଚିଥିଲା । କୋଲକାତାରୁ ଭୁବନେଶ୍ୱର ଅଣାଯିବା ପାଇଁ ବନ ବିଭାଗ ଓ ପ୍ରଶାସନ ପକ୍ଷରୁ ସ୍ୱତନ୍ତ୍ର କର୍ଡନ କରାଯାଇଥିଲା । ଏହି ରୁଟରେ ଥିବା ଜିଲ୍ଲା ବାଲେଶ୍ୱର, ଭଦ୍ରକ, ଯାଜପୁର, କଟକ, ଖୋର୍ଦ୍ଧାର ଜିଲ୍ଲାପାଳ ଓ ଏସପି, DFOଙ୍କୁ ଟ୍ରାଫିକ କ୍ଲିଏରାନ୍ସ ଏବଂ ଅନ୍ୟାନ୍ୟ ଆନୁସଙ୍ଗିକ ବ୍ୟବସ୍ଥା କରିଥିଲେ ।
ଏହାପୂର୍ବରୁ ନନ୍ଦନକାନନରେ ଜିରାଫ୍- ଖୁସି ୨୦୧୨ରୁ ଅଛି । ତାକୁ ପାଟନା ଚିଡ଼ିଆଖାନାରୁ ଅଣାଯାଇଥିଲା । ଆଗରୁ ୨୦୦୮ରେ ଆଲିପୁର ଚିଡ଼ିଆଖାନାରୁ ଏକ ଜିରାଫକୁ ଆଣିବାକୁ ଚେଷ୍ଟା କରିବା ପରେ ବି ଏହା ସଫଳ ହୋଇପାରିନଥିଲା। ସେହିପରି ୨୦୧୬ରେ ଥରେ ଆଲିପୁରରୁ ପୁରୁଷ
ଜିରାଫକୁ ଅଣାଯାଇଥିଲା । ତେବେ ନନ୍ଦନକାନନରେ ପହଞ୍ଚିବାର ମାତ୍ର ୬ ଦିନ ପରେ ତାର ମୃତ୍ୟୁ ହୋଇଥିଲା ।
