ରାଉରକେଲା/ଭୁବନେଶ୍ୱର,୨୭-୦୮-୨୪ (ପିପିଏସ) : ରାଜଗାଙ୍ଗପୁର ଥାନା ଅଞ୍ଚଳ ରୁ ମୋବାଇଲ ସହିତ ବିଭିନ୍ନ ସାମଗ୍ରୀ ଚୋରି କରୁଥିବା ଚୋର ଗ୍ୟାଙ୍ଗକୁ ପୋଲିସ ଧରିବାରେ ସଫଳ ହୋଇଛି l ଏଥିସହିତ ଚୋରି ମୋବାଇଲ ଗୁଡିକ କୁ ଜବତ କରିଛି l ରାଜଗାଙ୍ଗପୁର ପୋଲିସ ୬ଟି ଚୋରି ମାମଲା ରୁଜୁ କରିବା ପରେ ପୋଲିସ ମୁଣ୍ଡବ୍ୟସ୍ଥା ର କାରଣ ପାଲଟି ଯାଇ ଥିଲା l ଏହି ମାମଲା ଗୁଡିକ ଉପରେ ବିଶେଷ ଗୁରୁତ୍ୱ ଦେଇ ରାଜଗାଙ୍ଗପୁର ଏସଡିପିଓଙ୍କ ନିର୍ଦ୍ଦେଶରେ ଟିମ ଗଠନ କରି ତଦନ୍ତ ଆରମ୍ଭ ହୋଇଥିଲା l ବିଭିନ୍ନ ସ୍ଥାନ ରେ ଚଢ଼ାଉ କରି ଏହି ମାମାଲାରେ ସମୃକ୍ତ ୪ଜଣ ନାବାଳକଙ୍କ ସହିତ ଅନ୍ୟ ୩ ଜଣଙ୍କୁ ଗିରଫ କରିଥିଲେ । ଜବତ ହୋଇଥିବା ଚୋରି ସାମଗ୍ରୀ ମଧ୍ୟରେ ୮୩ ଟି ମୋବାଇଲ ସହିତ, ୨ଟି ପାଉଁଜି, ୨ଟି ମୁଦି, ସ୍ମାର୍ଟ ଘଣ୍ଟା, ହାତ ଘଣ୍ଟା, ଏବଂ ନଗଦ ୭ହଜାର ଟଙ୍କା ରହିଛି l ସମସ୍ତ ଅଭିଯୁକ୍ତଙ୍କୁ କୋର୍ଟରେ ହଜାର କରାଯିବା ପରେ, ୪ଜଣ ନାବାଳକଙ୍କୁ ଜୁଭେନାଲ ସେଣ୍ଟରକୁ ପଠାଯାଇଥିବା ବେଳେ ଅନ୍ୟ ୩ଜଣଙ୍କୁ ସୁନ୍ଦରଗଡ଼ ବିଚାର ବିଭାଗୀୟ ହାଜତ କୁ ପଠାଇ ଦିଆଯାଇଚହାଜୀ ବୋଲି,ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ରାଜଗାଙ୍ଗପୁର ଏସ ଡି ପି ଓ ଅଭିଷେକ ପାଣିଗ୍ରାହୀ l ଥାନା ଅଧିକାରୀ ମନୋରଞ୍ଜନ ପ୍ରଧାନଙ୍କ ନେତୃତ୍ୱରେ ହୋଇଥିବା ଚଢ଼ାଉରେ, ଲାଞ୍ଜିବେରେଣା ଫାଣ୍ଡି ଅଧିକାରୀ ଖଗେଶ୍ୱର ବିଶ୍ୱାଳ ରାଜଗାଙ୍ଗପୁର ଏସଆଇ ପି ପି ଜେନା, ଏସ ଆଇ ଦମୟନ୍ତୀ ମହାନ୍ତ,ଏ ଏସ ଆଇ ପ୍ରଶାନ୍ତ କୁମାର ସେନାପତି, ହେମନ୍ତ କୁମାର ଧରୁଆ ପ୍ରମୁଖ ମିଳିତ ଚଢ଼ାଉ କରି ସଫଳତା ହାସଲ କରିଥିବା ସୂଚନା ପ୍ରାପ୍ତ ହୋଇ ଅଛି l
