କଟକ,୨୬-୦୮-୨୪ (ପିପିଏସ) : ମହାପୁରୁଷ ସଦଗୁରୁ ବାବା ବୈକୁଣ୍ଠନାଥ ବ୍ରହ୍ମଚାରୀଙ୍କର କୃପାପାତ୍ର ଶିଷ୍ୟ ବାବାଜୀ ଅମୃତାନନ୍ଦ ଦାସ ମହାରାଜଙ୍କ ପୁଣ୍ୟ ସ୍ୱନକ୍ଷତ୍ର ଦିବସ ଅବସରରେ ୪୭ନଂ ୱାର୍ଡ଼ସ୍ଥିତ ମହାନଦୀବିହାର ଜଗନ୍ନାଥ ମନ୍ଦିର ପରିସରରେ ଗୁରୁକୃପା ମହୋତ୍ସବ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ଗୁରୁପୂଜା ଓ ପ୍ରାର୍ଥନା ସଭା, ସାମୁହିକ ଗୀତାପାଠ, ସନ୍ଥ ପୂଜନ-ଆଶ୍ରୀବଚନ ଏବଂ ପରେ ପରେ ବିିଶିଷ୍ଟ ବ୍ୟକ୍ତିମାନଙ୍କୁ ବୈକୁଣ୍ଠ ସେବା ସମ୍ମାନ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଚୌଦ୍ୱାର-କଟକ ବିଧାୟକ ସୌଭିକ ବିଶ୍ୱାଳ, କଟକ ସଦର ବିଧାୟକ ଇଂ ପ୍ରକାଶ ସେଠୀ, ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ଲକ୍ଷ୍ମୀ ବିଳାଶିନୀ ବିଶ୍ୱାଳ, ସମାଜସେବୀ ସମ୍ବିତ ଦାସ, ସ୍ଥାନୀୟ କର୍ପୋରେଟର ଇଂ ସୁବ୍ରତ ଘଡାଇ, ସମାଜସେବୀ ସଞ୍ଜୟ ଜେନା, ଏମଡିଏ ସଭାପତି ରବିନ୍ଦ୍ର ପ୍ରସାଦ ତି୍ରପାଠୀ, ସମ୍ପାଦକ ହିମାଂଶୁ ଷଢ଼ଙ୍ଗୀ, ସଞ୍ଜୟ ସାହାଣୀ, ରମଣୀ ରଞ୍ଜନ ଦାସଙ୍କ ସମେତ ସହରର ବହୁ ବୁଦ୍ଧିଜିବୀମାନେ ଉପସ୍ଥିତ ଥିଲେ । ଶେଷରେ ବହୁସଂଖ୍ୟାରେ ଭକ୍ତବୃନ୍ଦ ବାବାଙ୍କ ଆଶୀଷ ଲାଭ କରିଥିଲେ । ସଞ୍ଜୟ ଜେନା କାର୍ଯ୍ର୍ୟକ୍ରମ ପରିଚାଳନା କରିଥିଲେ ।
