ବଲାଙ୍ଗୀର/ଭୁବନେଶ୍ବର,୨୫-୦୮-୨୪ (ପିପିଏସ) : ଜେଲରେ ଜୋରଦାର ହେଉଛି ଚଢାଉ। ବଲାଙ୍ଗୀର ଗ୍ୟାଙ୍ଗୱାର ଖବର ସାମନାକୁ ଆସିବା ପରେ ଏବେ କଡ଼ାକଡ଼ି ଚେକିଂ ଚାଲିଛି । ବଲାଙ୍ଗୀର ଜେଲରେ ରେଡ୍ ବେଳେ ଗ୍ୟାଙ୍ଗଷ୍ଟର ସୁଶାନ୍ତ ଧଳ ସାମନ୍ତ ସେଲରୁ ମିଳିଥିବା ଜଣାପଡିଛି। ଶନିବାର ଜେଲରେ ଚଢ଼ାଉ କରିଥିଲା ପୋଲିସ। ସେଲ୍ ଭିତରୁ ମିଳିଥିଲା ମାଦକ ଦ୍ରବ୍ୟ ସହ ଟ୍ରିମର ଓ ଲାଇଟର। ଏଥିସହ ଜେଲର ଅନ୍ୟ ସେଲରୁ ପୁଲିସ ବିଡ଼ି, ସିଗାରେଟ୍, ଦିଆସିଲ୍ ଓ ଅନ୍ୟ ନିଶାଦ୍ରବ୍ୟ ଜବତ ହୋଇଛି । ଚିକିତ୍ସା ପାଇଁ ସୁଶାନ୍ତ ଧଳସାମନ୍ତ କଟକ ଯାଇଥିବା ବେଳେ, ସେଲ ଭିତରୁ ବାହାରିଛି ଲକ ଥିବା ମୋବାଇଲ | ସୁଶାନ୍ତ ଧଳସମନ୍ତ ଆସିଲା ପରେ ଅଧିକ ତଦନ୍ତ କରିବ ପୋଲିସ ।ଫୋନ ଜରିଆରେ ଜେଲ ଭିତରୁ ସୁଶାନ୍ତ ଧଳସାମନ୍ତ କ୍ରାଇମ ନେଟୱାର୍କ ଚଳାଉଥିବା ସନ୍ଦେହ କରାଯାଉଛି। ତେବେ ସୁଶାନ୍ତ ପାଖକୁ ମୋବାଇଲ ଆସିଲା କେମିତି ? କିଏ ତାକୁ ଦେଇଥିଲା ମୋବାଇଲ୍ ଫୋନ୍ ? ଜେଲ୍ କର୍ତ୍ତୃପକ୍ଷ କେମିତି ଜାଣି ପାରିଲେ ନାହିଁ ଏଭଳି ଅନେକ ପ୍ରଶ୍ନ ଉଠିଛି ।
