ମୟୁରଭଞ୍ଜ,୧୯-୦୮-୨୪ (ପିପିଏସ ) : ମୟୁରଭଞ୍ଜ ଜିଲ୍ଲା ବାରିପଦା ଟାଉନ ଥାନା ଅନ୍ତର୍ଗତ ଷ୍ଟେସନ ବଜାର ଅଞ୍ଚଳରେ ଭିନ୍ନ ସମ୍ପ୍ରଦାୟର ୩ଜଣ ଯୁବକଙ୍କୁ କିଛି ଅଜଣା ବ୍ୟକ୍ତି ମାଡ଼ ମାରିଥିବା ଅଭିଯୋଗ ହୋଇଛି । ଏହି ୩ ଯୁବକ ଏକ ଅଟୋରେ ସହର ମଧ୍ୟ କୁ ଆସୁଥିବା ବେଳେ କିଛି ଯୁବକ ସେମାନଙ୍କୁ ଅଟକାଇ ଆଧାର କାର୍ଡ଼ ସହ ପରିଚୟ ମାଗିଥିଲେ । ସେମାନେ ଆଧାର କାର୍ଡ଼ ନଦେବାରୁ ବିଦେଶୀ କହି ନିସ୍ତୁକ ମାଡ଼ ମାରିଥିବା ଅଭିଯୋଗ ହୋଇଛି । ସସେମାନଙ୍କ ମଧ୍ୟରୁ ଜଣେ ଗୁରୁତର ହୋଇ ସ୍ଥାନୀୟ ସରକାରୀ ଡ଼ାକ୍ତରଖାନରେ ଚିକିତ୍ସିତ ହେଉଥିବା ବେଳେ ଅନ୍ୟ ଦୁଇଜଣ ଟାଉନ ଥାନାରେ ଲିଖିତ ଅଭିଯୋଗ କରିଥିବା ସୂଚନା ମିଳିଛି l ଏହାର ପ୍ରତିବାଦରେ ଟାଉନ ଥାନା ଘେରାଉ କରାଯାଇ ମାଡ଼ ମାରିଥିବା ଯୁବକ ମାନଙ୍କୁ ତୁରନ୍ତ ଗିରଫ କରିବାପାଇଁ ଦାବି ହୋଇଛି।
