କଟକ,୧୩/୮/୨୪(ପିପିଏସ) : କଟକ ସରକାରୀ ଅଭ୍ୟାସ ଉଚ୍ଚ ବାଳିକା ବିଦ୍ୟାଳୟ ରେ ୨୦୨୩-୨୦୨୪ ମସିହା ଦଶମ ବୋର୍ଡ ପରୀକ୍ଷାରେ କୃତକାର୍ଯ୍ୟ ହୋଇଥିବା ଛାତ୍ରୀ ମାନଙ୍କ ନିମନ୍ତେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ବିଶିଷ୍ଟ ସମାଜସେବୀ ତଥା କଟକ ବାଲୁବଜାର ପୂଜା କମିଟି ସଭାପତି ପୃଥ୍ୱୀରାଜ ସାହୁଙ୍କ ଦ୍ୱାରା ଆୟୋଜିତ ହୋଇଥିଲା I ଏହି ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଅଙ୍ଗୁରବାଳା ସାହୁ ସଭାପତିତ୍ୱ କରିଥିବା ବେଳେ କଟକ ଲାଲବାଗ ଥାନାର ଭାରପ୍ରାପ୍ତ ଅଧିକାରୀ ଦୟାନିଧି ନାୟକ ମୂଖ୍ୟ ଅତିଥି ଓ ବରିଷ୍ଠ ଫଟୋ ସାମ୍ବାଦିକ ସରୋଜ କୁମାର ମଲ୍ଲିକ ସମ୍ମାନୀତ ଅତିଥି ଭାବେ ଯୋଗ ଦେଇ ପିଲାମାନଙ୍କୁ ଉତ୍ସାହିତ କରିଥିଲେ I ଏହି ସମ୍ବର୍ଦ୍ଧନା ସଭାରେ ସ୍ଥାନୀୟ ଅଞ୍ଚଳ ମୁରବି ମନୋରଞ୍ଜନ ପ୍ରଶାୟତ,ଯୁବକ ସଂଘର ସମ୍ପାଦକ ଦେବାଶିଷ ମହାପାତ୍ର ଓ ଶରତ ଚନ୍ଦ୍ର ବେହେରା ଯୋଗ ଦେଇଥିଲେ I ପ୍ରଧାନ ଶିକ୍ଷୟିତ୍ରୀ ଓ ଅତିଥିମାନଙ୍କ ଦ୍ୱାରା ସାତ ଜଣ କୃତି ଛାତ୍ରୀ, ଶୁଭସ୍ମିତା ସିଂ, ଶୁଭଶ୍ରୀ ବେହେରା, ରୁପାଲୀ ଦାସ, ଅଙ୍କିତା ପ୍ରିୟଦର୍ଶିନୀ ପାଣି, ଶୁଭଶ୍ରୀ ବେହେରା (ଖ), ସନ୍ତୋଷୀ ମହାରଣା ଓ ମୋନାଲିସା ପାଲିତଙ୍କୁ ମାନପତ୍ର ଓ ଟ୍ରଫି ଦେଇ ସମ୍ବର୍ଦ୍ଧିତ କରାଯାଇଥିଲା I ଏହି ଅବସରରେ ସମ୍ମାନିତ ଅତିଥି ସରୋଜ ମଲ୍ଲିକ ସାତ ଜଣ କୃତୀ ଛାତ୍ରୀଙ୍କ ମଧ୍ୟରୁ ସର୍ବୋଚ୍ଚ ନଂ ରଖିଥିବା ଶୁଭସ୍ମିତା ସିଂଙ୍କୁ ଫେସବୁକ ସୋସିଆଲ ଗ୍ରୁପ “ଆମ ପରିବାର” ପକ୍ଷରୁ ପାଞ୍ଚଶହ ଟଙ୍କା ଅର୍ଥ ରାଶି ପୁରସ୍କାର ଦେଇ ଉତ୍ସାହିତ କରିଥିଲେ I ବିଦ୍ୟାଳୟର ସମସ୍ତ ଶିକ୍ଷୟତ୍ରୀ ଓ ସମସ୍ତ କର୍ମଚାରୀ ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା l ପରିଶେଷରେ ଇଂରାଜୀ ଶିକ୍ଷକ ଅନନ୍ତ ଚରଣ ଦାଶ ଧନ୍ୟବାଦ ଅର୍ପଣ କରିଥିଲେ I
